Aprobados pola comisión de goberno os pregos de condicións económico-administrativas que deberán rexer para a contratación mediante concurso con procedemento aberto da reforma das instalacións eléctricas municipais para conseguir aforro enerxético, expóñense ó público durante o prazo de oito días contados desde o seguinte ó da publicación do presente edicto no BOP, para efectos de presentación de reclamacións.
Simultaneamente, anúnciase concurso con procedemento aberto, se ben a licitación se aprazará cando resulte necesario no suposto de que se formulen reclamacións contra o prego de condicións.
Obxecto: reforma das instalacións eléctricas municipais para conseguir aforro enerxético.
Prazo de execución: seis meses.
Documentación: os pregos de condicións están a disposición dos interesados na secretaría do concello, de luns a venres e de 9 a 14 horas.
Modelo de proposición: está contido no prego de condicións.
Prazo de presentación: finaliza ás 14 horas do décimo terceiro día hábil seguinte ó da publicación deste anuncio no BOP.
Apertura de proposicións: o terceiro día hábil seguinte ó da finalización do prazo anterior, ás 13 horas.
Sada, 14 de setembro de 1995.
Ramón Rodríguez Ares
Alcalde
9506042