A Consellería de Industria e Comercio convoca o seguinte concurso polo procedemento aberto:
Obxecto: realización dun estudio do nivel de equipamento comercial óptimo na Comunidade Autónoma de Galicia.
Ozamento: oito millóns de pesetas (8.000.000 de ptas.).
Documentos de interese para os licitadores: os pregos de prescricións técnicas e de cláusulas administrativas particulares estarán de manifesto e á disposición dos interesados para o seu exame, durante o prazo de presentación en días e horas hábiles de oficina, na Secretaría Xeral da Consellería de Industria e Comercio da Xunta de Galicia, sita en San Caetano, edificio administrativo, 5-4º piso, en Santiago de Compostela.
Presentación de ofertas: as ofertas dirixiranse en calquera dos modos previstos no artigo 100 do Regulamento xeral de contratos do Estado á Secretaría Xeral da Consellería de Industria e Comercio, no prazo de vinteseis días naturais, contados desde o día seguinte ó da publicación deste anuncio no Diario Oficial de Galicia.
Apertura de pregos: a apertura de pregos terá lugar na Consellería de Industria e Comercio, ás once horas do décimo primeiro día ó da finalización do prazo de presentación de proposicións, se este fose inhábil, posporase ó primeiro día hábil seguinte.
Documentos que deben presenta-los licitadores: os indicados na cláusula 7ª do prego de cláusulas administrativas particulares.
Garantía provisional: será do dous por cento (2%) sobre o tipo de licitación. Cento sesenta mil pesetas (160.000 ptas.).
Prazo de execución: será de dous meses a partir da súa sinatura.
O importe deste anuncio correrá por conta do adxudicatario.
Santiago de Compostela, 25 de setembro de 1995.
P.D. (Orde 18-5-1984, DOG 100)
Manuel Barreiro Barbeito
Secretario xeral da Consellería de Industria e Comercio
95-06170