A Delegación Provincial de Lugo fai saber que a Dirección Xeral de Industria decidiu que o proxecto de explotación da canteira denominada Monte Abelleira, sita na parroquia de Aldixe, no concello de Abadín, promovido por Norsil, S.A., fose sometido ó Decreto 442/1990, do 13 de setembro, de avaliación de impacto ambiental para Galicia.
En cumprimento do establecido no artigo 5.2º do referido decreto,
RESOLVO:
Primeiro.-Someter, polo prazo de trinta días hábiles, contados a partir do seguinte ó da publicación da presente resolución, a información pública ó estudio de impacto ambiental do proxecto de explotación da canteira Monte Abelleira, promovido por Norsil, S.A., na parroquia de Aldixe, do concello de Abadín.
Segundo.-O estudio de impacto ambiental exporase ó público nesta delegación provincial, logo do anuncio no Diario Oficial de Galicia.
Terceiro.-A alegacións formularanse, durante o dito prazo de trinta días hábiles, ante esta Delegación Provincial de Industria e Comercio.
Lugo, 23 de xuño de 1995.
Jesús Bendaña Suárez
Delegado provincial de Lugo
95-6385