Pola Resolución do 27 de xullo de 1995 aprobouse un gasto de 16.853.200 ptas., o prego de cláusulas administrativas particulares e a apertura do procedemento de adxudicación do contrato de subministración, entrega e instalación de diverso material didáctico con destino á Escola Técnica Universitaria de Forestais de Pontevedra, dependente desta consellería, expediente 18/1995.
Anunciouse a contratación da referida subministración no Diario Oficial de Galicia, taboleiro de anuncios e prensa.
Cumpridos os trámites que en materia de contratación prevé a vixente Lei de contratos das administracións públicas, así como os requisitos establecidos no prego de bases da contratación e demais lexislación vixente, reunida a mesa de contratación con data de 6 de setembro de 1995, e vistas as ofertas económicas así como o cumprimento das empresas e a valoración da comisión cualificadora. Esta consellería,
RESOLVEU:
Primeiro.-Adxudica-lo mencionado material da seguinte forma:
adxudicación
Nº lote OP material Importe
** Empresa Gamacisa 1 Equipo de ensaios físicos 2.030.000 ** Subtotal 2.030.000
** Empresa Sutega 3 Estacións topográficas 1.937.200 ** Subtotal 1.937.200
** Total 3.967.200
Segundo.-O prazo de entrega e instalación deste material será de un mes contado desde a sinatura do contrato.
Terceiro.-A empresa adxudicataria deberá cumpri-las obrigas previas á formalización do correspondente contrato, esixidas pola cláusula 3 do prego de cláusulas administrativas particulares.
Cuarto.-Faise pública a presente resolución para os efectos previstos no artigo 79 da Lei de contratos das administracións públicas.
Santiago de Compostela, 6 de setembro de 1995.
P.D (Orde 13-12-1993)
Juan José Bértolo Cadenas
Secretario xeral da Consellería de Educación e Ordenación Universitaria
9506213