María Manuela García Jalón de la Lama, secretaria do Xulgado de Primeira Instancia e Instrucción número cinco de Santiago de Compostela, dou fe que no xuízo de cognición que se segue neste xulgado co número 62/1994, a sección cuarta da Audiencia Provincial da Coruña dictou sentencia, cun encabezado e parte dispositiva do teor literal seguinte:
«Sentencia. Na cidade da Coruña o vintetrés de maio de mil novecentos noventa e cinco. Vistos pola sección cuarta da audiencia provincial, integrada polos maxistrados Victorino Fuente Pinto, Pte., José Antonio Méndez Barrera e José Luis Núñez Vide, os presentes autos de xuízo de cognición, tramitado no X. Mixto Santiago cinco, e que, perante a audiencia provincial pendían en grao de apelación, seguidos entre partes, dunha, como demandante-apelada Manuela Ces Canedo, maior de idade, casada, os seus labores, veciña de Santiago de Compostela; e doutra, como demandado-apelante, Antonio Rivera Barcia, maior de idade, psicólogo, veciño de Santiago de Compostela e o demandado declarado en situación procesual de rebeldía Francisco Javier Ignacio Vázquez Álvarez, maior de idade, médico, veciño de Santiago de Compostela; versando os autos sobre resolución de contrato de arrendamento.
Decido rexeitámo-lo recurso interposto contra a sentencia dictada con data 9 de xaneiro de 1995 no
xuízo de cognición arrendaticio urbano número 62 de 1994 do Xulgado de Primeira Instancia e Instrucción número cinco de Santiago de Compostela e confirmámo-la dita resolución. Impóñenselle ó apelante as custas do recurso. Esta sentencia é firme de dereito e contra ela non cabe recurso ningún.
Así, por esta nosa sentencia, definitivamente xulgando, pronunciámolo, mandámolo e asinámolo. Asinado. Rubricado».
E para que conste e lle sirva de notificación ó demandado rebelde Francisco Javier Ignacio Vázquez Álvarez, expido e asino o presente edicto en Santiago de Compostela o vintecatro de xullo de mil novecentos noventa e cinco.
95-6147