Lorenzo Villalpando Lucas, secretario do Xulgado de Primeira Instancia e Instrucción número catro dos de Santiago de Compostela, fago saber que neste xulgado se seguen actuacións de xuízo de faltas co número 1247/1990, sobre ameazas, nas que se dictou resolución do teor literal seguinte:
«Proposta de providencia.
Secretario Villalpando Lucas
En Santiago de Compostela o 24 de xaneiro de 1995, vista a apelación que contra a anterior sentencia interpuxo o Ministerio Fiscal, admítese a dita apelación en ámbolos efectos e, en consecuencia, emprácense en legal forma o Ministerio Fiscal e as partes para que, dentro do termo de cinco días, comparezan perante a Audiencia Provincial da Coruña en forma para facer uso dos seus dereitos se lles conviñese, baixo apercibimento de que, se así non o fixesen, recaerán sobre eles os prexuízos a que houber lugar en dereito e, de verificalo, elévense os autos á dita superioridade con atento oficio. Para o emprazamento das partes, expídanse, para o efecto, os despachos oportunos.
Propoño e asínao o secretario e dá fe.
Conforme: o maxistrado xuíz».
E, para que lle sirva de notificación e emprazamento a José Ignacio Hernández Yáñez, que se atopa en paradoiro descoñecido, expido, selo e asino o presente edicto en Santiago de Compostela o un de setembro de mil novecentos noventa e cinco.
O secretario
Rubricado
95-5673