O Servicio Galego de Saúde, por proposta da Dirección Xeral de Recursos Económicos, e unha vez cumpridos os trámites administrativos correspondentes, resolve anuncia-la subministración que a seguir se cita:
Subministración: moblaxe xeral, clínica e aparellos para varios centros de saúde (SCC 33/1995).
Orzamento: 18.581.250 ptas. IVE incluído.
Fianza provisional: 371.625 ptas.
Lote nº 1: moblaxe xeral.
Orzamento: 6.449.000 ptas.
Fianza provisional: 128.980 ptas.
Lote nº 2: moblaxe clínica.
Orzamento: 4.994.900 ptas.
Fianza provisional: 99.898 ptas.
Lote nº 3: aparellos.
Orzamento: 7.137.350 ptas.
Fianza provisional: 142.747 ptas.
I. Forma de adxudicación: concurso público, procedemento aberto e trámite de urxencia.
II. Prazo de execución: os bens obxecto do presente concurso público entregaranse nun prazo de 30 días contados a partir da data de notificación da adxudicación.
III. Admisión de variantes: admítense ata dúas variantes, de acordo coa cláusula 9.3.2) do prego de cláusulas administrativas particulares.
IV. Solvencia económica e financeira: acreditarase de acordo co establecido no artigo 16.1.a) e b) da Lei 13/1995, de contratos das administracións públicas.
V. Solvencia técnica: acreditarase de acordo co establecido no artigo 18 a) c) e d) da Lei 13/1995, de contratos das administracións públicas.
VI. Criterios de adxudicación:
1.-Calidade dos materiais e a súa adecuación ó solicitado no prego de prescricións técnicas: ata 5 puntos.
2.-Prezo ofertado: ata 4 puntos.
3.-Prazo de garantía: ata 3 puntos.
VIII. Documentos de interese para os licitadores: o prego de cláusulas administrativas particulares, e demais documentación complementaria estarán de manifesto e a disposición dos concursantes para o seu exame nos servicios centrais da Dirección Xeral de Recursos Económicos, edificio administrativo de San Caetano, bloque 2, 2º, en Santiago de Compostela, e nas direccións provinciais do Servicio Galego de Saúde, tódolos días laborables, agás sábados, das 9 ás 14 horas.
VIII. Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no rexistro xeral do Servicio Galego de Saúde, antes das 14 horas do décimo terceiro día natural, contado a partir do seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981)54 27 62 ou telegrama no mesmo día, de conformidade co artigo 100 do Regulamento xeral de contratación do Estado.
IX. Apertura de proposicións: terá lugar na sala de xuntas do Servicio Galego de Saúde, edificio administrativo de San Caetano, a partir das 10 horas do décimo primeiro día natural contado desde o seguinte a aquel en que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
X. Documentación que portarán os licitadores: os documentos que figuran no prego de cláusulas administrativas particulares.
XI. Anuncios: o pagamento do anuncio do presente concurso público será por conta do/s adxudicatario/s do/s contrato/s.
Santiago de Compostela, 4 de setembro de 1995
Antonio Carbajo Romero
Director xeral de Recursos Económicos
95-06021