De conformidade co disposto polo artigo 59.4º da Lei de 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselles ós denunciados cos datos persoais e último enderezo coñecido que se sinala a continuación, as resolucións dos correspondentes expedientes sancionadores dictadas polo delegado provincial da Consellería de Agricultura, Gandería e Montes de Ourense, por presuntas infraccións da Lei 7/1992 do 24 de xullo de pesca fluvial (DOG nº 151 do 5 de agosto).

Os denunciados disporán do prazo de un mes, contado a partir do seguinte á notificación desta noti

ficación, para interpoñer recurso ordinario ante o conselleiro de Agricultura, Gandería e Montes, ben directamente na propia consellería, a través desta delegación provincial, ou por calquera dos medios establecidos no artigo 38.4º da mencionada Lei de procedemento. Transcorrido este prazo a resolución será firme.

Que no mesmo prazo de que, se é o caso, dispón para interpoñer recurso ordinario, poderá facer efectiva a sanción imposta, de non desexar impugnar, en calquera oficina de Caixa Ourense, nº de conta 44/030/003918/8.

Transcorridos os prazos sinalados, sen ter constancia da interposición de recurso ou de abono da sanción, procederase a notificar á Delegación de Economía e Facenda para o inicio da vía administrativa de constrinximento.

Ourense, 22 de agosto de 1995

Jacobo Gómez-Orellana Rodríguez

Delegado provincial de Ourense

95-5864