Por resolución da Dirección Xeral de Recursos Económicos do 6 de xuño, convocouse concurso polo procedemento de urxencia co obxecto de concerta-lo servicio de transporte sanitario urxente na provincia de Ourense (DOG nº 115, do 16 de xuño de 1995).

Cumpridos os trámites regulamentarios en materia de contratación administrativa e por proposta da mesa de contratación constituída para tal fin, o director xeral de Recursos Económicos, en uso das atribucións que lle son delegadas polo artigo 3 da orde da Consellería de Sanidade e Servicios Sociais do 15 de setembro de 1994 (DOG nº 191),

RESOLVEU:

Como órgano de contratación, adxudica-los contratos ás seguintes empresas e para as zonas que se indican.

-Empresa adxudicataria: Ambulancias Allariz, S.L. para a área de Allariz, Taboadela e Xunqueira de Ambia, con base en Allariz.

-Empresa adxudicataria: Antolín Dosantos Dasilva para a área da Gudiña, A Mezquita, Vilariño de Conso e Viana do Bolo con base na Gudiña.

Santiago de Compostela, 28 de agosto de 1995.

Antonio Carbajo Romero

Director xeral de Recursos Económicos

95-5794