A Xerencia Xeral do Complexo Hospitalario de Santiago de Compostela, en virtude das atribucións que lle foron delegados conforme o establecido no artigo 7 da Orde do 15 de setembro de 1994 (DOG do 3 de outubro) da Consellería de Sanidade e Servicios Sociais, convoca o seguinte concurso público para a subministración de diversos aparellos médicos segundo os plans de investimento dos centros integrantes do complexo.

1. Nome e enderezo do servicio: Complexo Hospitalario de Santiago de Compostela, rúa Ramón Baltar, s/n, 15706 Santiago de Compostela, teléfono (981) 54 05 00, fax (981) 53 12 55.

2. Modalidade de adxudicación: procedemento aberto mediante concurso público.

3.a) Lugar de entrega da subministración: Santiago de Compostela.

b) Natureza e cantidade dos productos que se deban subministrar: aparellos e equipamentos médicos varios segundo especificacións dos pregos de cláusulas administrativas particulares.

-Orzamento total: cento dez millóns cincocentas cincuenta e nove mil oitocentas oitenta e dúas pesetas, IVE incluído (110.559.882 ptas.), IVE incluído.

c) Indicacións relativas á posibilidade de que os subministradores liciten por partes e/ou polo conxunto das subministracións requiridas: pode licitarse á totalidade e/ou por lotes.

4. Prazo de entrega: desde a sinatura do contrato ata o 31 de decembro de 1995.

5.a) Nome e enderezo do servicio ó que lle poden solicita-los documentos pertinentes: a sinalada no punto 1.

b) Data límite para efectuar esta solicitude: 25 de setembro de 1995.

6.a) Data límite de recepción das ofertas: 2 de outubro de 1995.

b) Enderezo ó que deben dirixirse: rexistro xeral de calquera dos centros Hospital Médico Cirúrxico de Conxo, rúa Ramón Baltar, s/n, 15706 Santiago de Compostela, e Hospital Xeral de Galicia, rúa Galeras, s/n, 15705 Santiago de Compostela.

c) Lingua ou linguas nas que deban redactarse: castelán ou galego.

7.a) Persoas admitidas a asistir á apertura das ofertas: apertura en acto público.

b) Data, hora e lugar da dita apertura: ás 10 horas no enderezo indicado no punto 1, o 13 de outubro de 1995.

8. Fianzas e garantías esixidas: provisional, 2% do orzamento de licitación de cada un dos lotes a que

se presenta oferta. Definitiva, do 4% do importe de adxudicación.

9. Modalidades esenciais de financiación e pagamento e/ou referencias ós textos que as regulan: pagamento logo de comprobación da recepción dos equipamentos a total conformidade segundo a cláusula 16.2 do prego de cláusulas administrativas particulares, e apartado 3 do prego de prescricións técnicas, todo iso con cargo ás seguintes aplicacións orzamentarias:

-1571-2223-6212: 84.679.673 ptas.

-1550-2223-6212: 25.880.209 ptas.

10. Forma xurídica que deberá aportar a agrupación de provedores: non se especifica.

11. Informacións e formalidades necesarias para a avaliación das condicións mínimas de carácter económico e técnico que deberá reuni-lo provedor: as esixidas nos pregos de cláusulas administrativas.

12. Prazo durante o cal o licitador estará obrigado a mante-la súa oferta: tres meses desde a apertura de proposicións.

13. Criterios que se seguirán para adxudica-lo contrato: atribuirase ás ofertas unha puntuación ata un máximo dos que se especifican para cada un dos seguintes parámetros:

-Prezo: 5.

-Calidade técnica: 3.

-Servicio técnico: 2.

-Prestacións adicionais ás requiridas: 1.

14. Outras informacións: ver prego.

15. Data de envío do anuncio á oficina de publicacións oficiais das Comunidades Europeas: 11 de agosto de 1995.

16. Anuncios: o importe do anuncio da presente resolución na prensa e nos boletíns oficiais correrá por conta do adxudicatario.

Santiago de Compostela, 3 de agosto de 1995.

Ignacio Martínez González

Xerente xeral do Complexo Hospitalario de Santiago de Compostela

9505670