O Servicio Galego de Saúde, por proposta da Dirección Xeral de Recursos Económicos, e unha vez cumpridos os trámites administrativos correspondentes, resolve anuncia-la subministración que a seguir se cita:
Subministración: moblaxe de oficina para as dependencias do programa socio-sanitario (SCC.-31/95).
Orzamento: 4.898.000 ptas., IVE incluído.
Fianza provisional: 97.960 ptas.
-Forma de adxudicación: concurso público, procedemento aberto e trámite de urxencia.
-Prazo de execución: os bens obxecto do presente concurso público entregaranse no prazo de 30 días contados a partir da data de notificación da adxudicación.
-Admisión de variantes: admítense ata dúas variantes, de acordo coa cláusula 9.3º 2) do prego de cláusulas administrativas particulares.
-Solvencia económica e financeira: acreditarase:
a) Informe de institucións financeiras ou, se é o caso, xustificantes da existencia dun seguro de indemnización por riscos profesionais.
b) Declaración relativa á cifra de negocios global e das subministracións realizadas pola empresa no curso dos tres últimos exercicios.
-Solvencia técnica: acreditarase:
a) Relación das principais subministracións efectuadas durante os tres últimos anos, indicándose o seu importe, datas e destino público ou privado, á que se incorporarán os correspondentes certificados sobre os mesmos.
b) Descrición do equipo técnico, medidas empregadas polo subministrador para asegura-la calidade e os medios de estudio e investigación da empresa.
c) Certificacións establecidas polos institutos ou servicios oficiais ou homologados encargados do control de calidade e que acrediten a conformidade de artigos ben identificados con referencia a certas especificacións ou normas.
-Criterios de adxudicación:
1.-Calidade dos materiais e a súa adecuación ó solicitado no prego de prescricións técnicas: ata 5 puntos.
2.-Prezo ofertado: ata 4 puntos.
3.-Prazo de entrega: ata 3 puntos.
-Documentos de interese para os licitadores: o prego de cláusulas administrativas particulares, e demais documentación complementaria estarán de manifesto e á disposición dos concursantes para o seu exame nos servicios centrais da Dirección Xeral de Recursos Económicos, edificio administrativo de San Caetano, bloque 2-2º en Santiago de Compostela, e nas direccións provinciais do Servicio Galego de Saúde, tódolos días laborables, agás sábados, das 9 ás 14 horas.
-Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no rexistro xeral do Servicio Galego de Saúde, antes das 14 horas do décimo terceiro día natural, contado a partir do seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de con
tratación a remisión da oferta mediante fax (981) 54 27 62 ou telegrama no mesmo día, de conformidade co artigo 100 do Regulamento xeral de contratación do Estado.
-Apertura de proposicións: terá lugar na sala de xuntas do Servicio Galego de Saúde, edificio administrativo de San Caetano, a partir das 10 horas do décimo primeiro día natural contado a partir do seguinte a aquel en que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
-Documentación que aportarán os licitadores: os documentos que figuran no prego de cláusulas administrativas particulares.
-Anuncios: o pagamento do anuncio do presente concurso público será por conta dos adxudicatarios dos contratos.
Santiago de Compostela, 10 de agosto de 1995.
O presidente do Servicio Galego de Saúde
P.D. (Orde C. 31-7-1995)
Alberto Núñez Feijoo
Secretario xeral do Servicio Galego de Saúde
5648