Pola Orde do 29 de marzo de 1995 (DOG do 11 de maio) convocouse concurso de méritos para a provisión de prazas de dirección de centros de formación continuada do profesorado de niveis non universitarios. Unha vez cumpridos os trámites establecidos e unha vez resoltas as reclamacións interpostas á resolución provisional da convocatoria, de acordo coa proposta efectuada pola comisión de valoración prevista
no apartado 9 da citada orde, a Consellería de Educación e Ordenación Universitaria,
DISPÓN:
Artigo 1º
Nomear, en réxime de comisión de servicios, para cubri-las prazas mencionadas, os profesores e as profesoras que se relacionan no anexo I desta orde.
Artigo 2º
Esta comisión de servicios será polo período que figuraba na orde de convocatoria e que tamén se recolle no anexo I desta orde.
Artigo 3º
A presente disposición remata a vía administrativa, segundo o establecido no artigo 109 c) da Lei 30/1992, de réxime xurídico das administracións públicas e do procedemento administrativo común.
Artigo 4º
A entrada en vigor desta orde será o día seguinte ó da súa publicación no Diario Oficial de Galicia.
Santiago de Compostela, 27 de xullo de 1995.
Juan Piñeiro Permuy
Conselleiro de Educación e Ordenación Universitaria
ANEXO I
Nome e apelidos CEFOCOP Período
Xosé Ramos Rodríguez Ferrol 3 anos
José Lage Rodríguez Ourense 3 anos
Margarita Pérez Froiz Vigo 3 anos
95-5566