A Delegación Provincial de Lugo fai saber que a Dirección Xeral de Industria decidiu que o proxecto de explotación da canteira denominada Sampaio, sita na parroquia de Sampaio, no concello de Castroverde, promovido por Wenceslao Forneas Rodríguez, fose sometido ó Decreto 442/1990, do 13 de setembro, de avaliación de impacto ambiental para Galicia.
En cumprimento do establecido no artigo 5.2º do referido decreto,
RESOLVO:
Primeiro.-Someter, polo prazo de trinta días hábiles, contados a partir do seguinte ó da publicación da presente resolución, a información pública o estudio de impacto ambiental do proxecto de explotación da canteira Sampaio, promovido por Wenceslao Forneas Rodríguez, na parroquia de Sampaio, do concello de Castroverde.
Segundo.-O estudio de impacto ambiental expoñerase ó público nesta delegación provincial, logo de anuncio no Diario Oficial de Galicia.
Terceiro.-As alegacións formularanse, durante o dito prazo de trinta días hábiles, perante esta delegación provincial.
Lugo, 20 de xuño de 1995.
Jesús Bendaña Suárez
Delegado provincial de Lugo
9504590