Neste xulgado séguense autos de executivo letras de cambio 366/1994, por instancia de Sandra Mouriño Caglioni, representada polo procurador Narciso Caamaño Queijo contra Taller de arquitectura, diseño y construcción Tadycsa e Promociones Inmobiliarias de Valdeorras, S.A., sobre reclamación de 5.000.000 de pesetas de principal e 1.750.000 orzamentadas para xuros e custas. E nos ditos autos, por providencia do día de hoxe, acordouse o embargo de bens propiedade de Taller de arquitectura, diseño y construcción, S.A. e Promociones Inmobiliarias de Valdeorras, S.A., sen previo requirimento de pagamento, por ignorarse o seu paradoiro. Así mesmo, acordouse citar de remate á dita parte demandada por medio do presente edicto, concedéndolle o prazo de nove días para comparecer nos autos e opoñerse á execución se lles conviñer, significándolle que están ó seu dispor na secretaría deste xulgado as copias da demanda e documentos presentados.

E para os efectos do disposto nos artigos 1.444 e 1.469 da LAC, sinálanse como bens susceptibles de embargo os seguintes:

1º. O saldo de tódalas contas do tipo que sexan de que dispoñan as executadas nas seguintes entidades: Cajamadrid, oficinas da rúa Urzáiz de Vigo; rúa Hórreo de Santiago de Compostela e na cidade de Ourense: Banco Pastor, oficina principal de Santiago de Compostela.

Bens pertencentes á entidade Promociones Inmobiliarias de Valdeorras, S.A., sitos no lugar de Pedregal-Bertamiráns, parroquia de Ortoño, concellos de Ames (A Coruña). Inscritas no Rexistro da Propiedade de Negreira.

2º. Predio Num. 19.164, libro 196, folio 11; predio Num. 19.166, libro 190, folio 19, predio Num. 19.168, libro 196, folio 15, predio 19.174, libro 196, folio 23; predio Num. 19.182, libro 196, folio 29 e predio Num. 19.184, libro 196, folio 31. Inscritas todas elas no tomo 773 do Rexistro da Propiedade de Negreira.

E para que sirva de citación de remate ós demandados arriba indicados, con domicilio ignorado, polo prazo de nove días para comparecer nos autos e opoñerse á execución, expido e asino a presente cédula en Santiago de Compostela o cinco de xuño de mil novecentos noventa e cinco.

O secretario

Rubricado

5262