O 6 de xullo de 1995, o Pleno do Consello de Contas recibiu da Sala do Contencioso-Administrativo, sección primeira do Tribunal Superior de Xustiza de Galicia, providencia pola que se admite o recurso contencioso-administrativo número 01/0001217/1995, interposto por Máximo García Serrano contra o acordo plenario do Consello de Contas do 9 de marzo de 1995 contra outro da Comisión de Goberno do 11-10-1994, sobre provisión de postos de auditores (DOG nº 221, do 16-11-1994).
En consecuencia, este consello acordou nesta data, e de conformidade co disposto no artigo 64 da Lei do 27 de decembro de 1956, reguladora da xurisdicción contencioso-administrativa modificada pola Lei 10/1992, do 30 de abril, a remisión do correspondente expediente administrativo á referida sala. O que notifica para xeral coñecemento de tódalas persoas interesadas no procedemento, que son emprazadas para que poidan compareceren forma legal en autos na Sala do Contencioso-Administrativo do Tribunal Superior de Xustiza de Galicia no prazo de nove días.
Santiago de Compostela, 14 de xullo de 1995.
Carlos G. Otero Díaz
Conselleiro maior
4577