Para os efectos previdos no artigo 9 do Decreto 2617/1966 e no artigo 10 do Decreto 2619/1966, ámbolos dous do 20 de outubro, sométese a información pública a petición de autorización e declaración de utilidade pública da instalación eléctrica coas seguintes características especiais:
Peticionario: Unión Eléctrica-Fenosa, S.A.
Lugar no que se vai establece-la instalación: desde o C.T. Mestre Goldar ata o C.T. que se proxecta en Barreiro, concello de vigo.
Finalidade da instalación: mellora-la subministración eléctrica na zona.
Características principais: L.M.T., a 15/20 kV, aéreo-soterrada, cunha lonxitude total de 5.171 m, con dous tramos soterrados de 310 m de lonxitude, con conductores tipo LA-56 e R.H.V., sobre apoios de formigón.
Orzamento: 42.080.000 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra este as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 9 de xuño de 1995.
Ramón Álvarez Abad
Delegado provincial de Pontevedra
95-5015