Para os efectos previstos no artigo 9 do Decreto 2617/1966 e no artigo 10 do Decreto 2619/1966, ámbolos dous do 20 de outubro, sométese a información pública a petición de autorización e declaración de utilidade pública dunha instalación eléctrica que ten por características principais as seguintes:

Peticionario: Barras Eléctricas Galaico-Asturianas, S.A. (BEGASA). R/ Cidade de Viveiro, 4-1º, Lugo.

Situación: reelectrificación da Pastoriza, 1ª fase.

Finalidade: mellora da subministración eléctrica na zona.

Características principais: liñas de media tensión, a 20 kV, de 497, 1.491, 372, 760 e 456 metros de lonxitude, con conductor LA-56, de 55 mm de sección sobre torres metálicas tipo C, segundo RU-6704A. Cinco centros de transformación de 50

kVA, 20.000 / 380-220 V, instalados sobre unha torre metálica ó remate das L.M.T., nos lugares de Orzas, Alfoz, Miñoto, Curuxeiras e Padredo. Liñas de baixa tensión, en conductores R.Z.-95-50-25, tensados sobre apoios de formigón ou grampados sobre fachadas, que alimentarán os lugares de Orxas, Alfoz, Miñoto, Curuxeiras e Padredo, no concello da Pastoriza.

Procedencia dos materiais: nacional.

Orzamento: 27.850.000 ptas.

O que se fai público para que poida ser examinado o proxecto da instalación nesta delegación provincial, rúa Pascual Veiga, 12-14, e formulárenselle as reclamacións, por duplicado, que se consideren oportunas, no prazo de trinta días, contados a partir do seguinte ó da publicación desta resolución.

Lugo, 19 de maio de 1995.

Jesús Bendaña Suárez

Delegado provincial de Lugo

4675