Visto o expediente incoado na sección de industria desta delegación provincial por petición de Barras Eléctricas Galaico-Asturianas, S.A. (BEGASA), con domicilio en Rúa Cidade de Viveiro, 4-1º, Lugo, no que solicita autorización e declaración de utilidade pública para o establecemento dunha instalación eléctrica de media tensión, e cumpridos os trámites regulamentarios ordenados no capítulo III do Decreto 2617/1966, sobre autorización de instalacións eléctricas, e no capítulo III do regulamento aprobado polo

Decreto 2619/1966, sobre expropiación forzosa e sancións en materia de instalacións eléctricas, e conforme o disposto no Real decreto 2634/1980, do 31 de xullo, sobre transferencia de competencia da Administración do Estado á Xunta de Galicia en materia de industria, esta delegación provincial resolveu, autorizar a BEGASA a instalación eléctrica que ten como características principais as seguintes:

Liña de media tensión, a 20 kV, de 230 metros de lonxitude, con conductor LA-56, de 55 mm de sección, torres metálicas tipo C segundo RU-6704A. Centro de transformación de 160 kVA, 20.000 / 380-220 V, instalado en torre metálica ó remate da liña de media tensión no lugar de San Xoán de Pena. Rede de baixa tensión con conductores R.Z.-95-50-25, con apoios de formigón ou grampados en fachadas, para mellora do servicio eléctrico no lugar de SanXoán de Pena, no concello de Lugo.

Declara-la utilidade pública da instalación eléctrica que se autoriza para os efectos sinalados na Lei 10/1966, sobre expropiación forzosa e sancións en materia de instalacións eléctricas, e no seu regulamento de aplicación, do 20 de outubro de 1966.

Esta instalación non poderá entrar en servicio mentres o seu peticionario non conte coa aprobación do proxecto de execución, logo de cumpri-los trámites que se sinalan no capítulo IV do citado Decreto 2617/1966, do 20 de outubro.

Lugo, 7 de xuño de 1995.

Jesús Bendaña Suárez

Delegado provincial de Lugo

4814