O Pleno da Corporación, en sesión do día trinta de marzo de mil novecentos noventa e cinco, adoptou o seguinte acordo:

«Primeiro.-Aprobar definitivamente o proxecto de urbanización da unidade de actuación número 28 do PXOU (rúa Salvador Moreno nº 51), promovido mediante iniciativa particular por Dacoi, S.L., e redactado pola arquitecta Mercedes Maquieira Miguéns, visado pola Delegación de Pontevedra do COAG en data 13-10-1994.

Segundo.-Comunicarlle á Comisión Provincial de Urbanismo, no prazo de seis días contados a partir da súa adopción, o presente acto administrativo e dispoñe-la publicación do anuncio no BOP para efectos da súa executividade.

Terceiro.-Dispoñer que a Oficina Municipal de Xestión Urbanística vixie a execución das obras, instalacións e urbanización en xeral, de conformidade co proxecto aprobado. Así mesmo, unha vez executadas as obras e presentando o correspondente oficio de finalización de obra subscrito polos directores da mesma, entregarase polo promotor a urbanización de cesión obrigatoria a este concello, completamente executada de acordo coa determinación do proxecto aprobado. En garantía da execución da urbanización terá que constituírse por Dacoi, S.L. con carácter previo ó inicio de tales obras, unha fianza polo importe do seis por cento do orzamento de execución material da urbanización.

Recursos procedentes:

Contra a presente resolución, que esgota a vía administrativa, poderá interpoñerse recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte a esta publicación, logo de comunicación ó órgano que dictou o acto impugnado, e isto sen prexuízo de que poida exercitar, se é o caso, calquera outro recurso que se estime procedente.

Pontevedra, 26 de abril de 1995.

Francisco Javier Cobián Salgado

Alcalde

Julio Dapena Outomuro

Secretario xeral

95-04794