O Pleno do Concello, na sesión celebrada o día 26 de maio de 1995, acordou aprobar incialmente o estudio de detalle redactado para a fixación de aliñacións, rasantes e volumes sobre as parcelas números 16, 17, 18, 19, 20 e 21 do plan parcial relativo ó S.U.N.P. A-28 O Vieiro, no Seixal-NOS (Oleiros).
Acordouse así mesmo proceder á exposición pública do expediente polo prazo de quince días, contado desde a derradeira publicación (DOG ou prensa). Ó longo do dito prazo o expediente quedará a disposición de todo aquel que queira examinalo, podéndose face-las alegacións pertinentes. O expediente poderase examinar nas oficinas municipais de Urbanismo de 9 a 13 horas tódolos días laborais.
Oleiros, 8 de xuño de 1995.
Ángel García Seoane
Alcalde en funcións
95-04758