Visto o expediente instruído por instancia de José Miguel Goiri Llano, na súa calidade de representante legal de Viajes Marsáns, S.A., C.I.C. MA nº 18, con casa central na r/ Arlabán nº 1 de Madrid, pertencente ó grupo maiorista-minorista, en solicitude de apertura dunha sucursal da devandita axencia na r/ García Barbón, 37 de Vigo.
Resultando que entre a documentación achegada coa referida solicitude existe unha copia da documentación acreditativa da dispoñibilidade do local e unha copia do contrato de prestación de servicios entre a axencia e a persoa que exercerá o cargo de director.
Resultando que a directora está legalmente capacitada para desempeña-lo dito cargo.
Resultando que da análise do expediente se conclúe que Viajes Marsáns, S.A. dispón dunha fianza suficiente segundo o establecido no artigo 15 do Decreto 155/1989, do 22 de xuño.
Considerando que, o Servicio de Inspección emitiu informe sobre o estado e equipamento do local, acreditando que reúne as condicións suficientes para poder exerce-la actividade de sucursal de axencia de viaxes.
Considerando que no trámite do expediente se cumpríron as formalidades de rigor e se xustificaron tódolos extremos que fixan o artigo 5, apartados b, c, d; e os artigos 10 e 15 do citado decreto.
Considerando os antecedentes expostos, disposicións legais invocadas e demáis normas de aplicación.
Esta consellería resolve autorizar á axencia de viaxes Viajes Marsáns, S.A., con sede central en Madrid, na r/ Arlabán nº 1 o establecemento dunha sucursal en Vigo, na r/ García Barbón, 37. Quedando inscrita no Rexistro de Empresas e Actividades Turísticas da Comunidade Autónoma galega.
Contra esta resolución, o interesado poderá interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.
Santiago de Compostela, 4 de xullo de 1995.
Dositeo Rodríguez Rodríguez
Conselleiro da Presidencia e Administración Pública
4324