O Instituto Galego de Promoción Económica, unha vez cumpridos os trámites administrativos correspondentes resolveu anunciar polo sistema de concurso público aberto, os seguintes servicios:
Obxecto: xestión do servicio público de bar-cafetería nos centros de innovación e servicios CIS-Deseño e CIS-Tecnoloxía, sitos na Península da Cabana, Ferrol (A Coruña).
Modalidade de contratación: concesión con xestión do servicio a risco e ventura do adxudicatario.
Canon de amortización que hai que aboar ó Igape: 200.000 ptas./ano.
Aboamentos ó Igape por consumos: 20.000 ptas./mes.
Vixencia do contrato: dous anos prorrogables.
Documentación de interese para os licitadores: os pregos de cláusulas administrativas particulares e os documentos complementarios estarán de manifesto na
sede do Instituto Galego de Promoción Económica, sita en r/ Frei Rosendo Salvado, 16 Santiago de Compostela (A Coruña), ou nas súas delegacións de Ferrol e Vigo durante o prazo de presentación de proposicións os días e horas hábiles de oficina.
Prazo de presentación de proposicións: as proposicións haberán de presentarse en sobre cerrado no rexistro xeral do Instituto Galego de Promoción Económica, ou envialas por correo dentro do prazo de admisión sinalado conforme o disposto no artigo 100 do Regulamento xeral de contratos do Estado. O prazo de admisión finalizará ás catorce horas do vixésimo sexto día hábil seguinte á publicación do concurso no Diario Oficial de Galicia. De coincidir en sábado o prazo entenderase prorrogado ata as 14 horas do seguinte día hábil.
Documentos que deben aporta-los licitadores: os indicados nos pregos de cláusulas administrativas particulares.
Apertura de proposicións: en acto público ás 13 horas o primeiro día hábil, que non coincida en sábado, no que se cumpran once días naturais contados desde a data seguinte á finalización do prazo de presentación de ofertas no Instituto Galego de Promoción Económica, sito en r/ Frei Rosendo Salvado, 16 Santiago de Compostela.
Criterios de adxudicación: os establecidos no prego de claúsulas administrativas que rexen cada concurso.
Fianza provisional: 15.000 ptas.
Fianza definitiva: 50.000 ptas.
Os gastos de publicación serán por conta do adxudicatario.
Santiago de Compostela, 28 de xuño de 1995.
José Antonio Orza Fernández
Presidente do Igape
95-4874