Para os efectos previstos no artigo 9 do Decreto 2617/1966 e no artigo 10 do Decreto 2619/1966, ámbolos dous do 20 de outubro, sométese a información pública a petición de autorización e declaración de utilidade pública dunha instalación eléctrica que ten por características principais as seguintes:
Peticionario: Barras Eléctricas Galaico-Asturianas, S.L. (BEGASA), r/ Cidade de Viveiro, 4-1º, Lugo.
Situación: Seivane, Pedrouzo e Brea, concello de Lugo.
Finalidade: mellora da subministración eléctrica en Seivane, Pedrouzo e Brea.
Características principais: liña de media tensión a 20 kV, cunha lonxitude de 1.294 metros, sobre apoios de formigón vibrado e torres metálicas, con conductor LA-56 de 54,6 mm Al. Centro de transformación de Seivane cunha potencia de 100 kVA 20.000-10.000/380-220 V±5%, sobre torres metálicas ó remate da liña de media tensión, para mellora do servicio nos lugares de Seivane, Pedrouzo e Brea na parroquia de Tirimol, no concello de Lugo.
Procedencia dos materiais: nacional.
Orzamento: 5.988.333 ptas.
O que se fai público para que poida ser examinado o proxecto da instalación nesta delegación provincial, rúa Pascual Veiga, 12-14, e formulárenselle as reclamacións, por duplicado, que se consideren oportunas, no prazo de trinta días, contados a partir do seguinte ó da publicación desta resolución.
Lugo, 9 de maio de 1995.
Jesús Bendaña Suárez
Delegado provincial de Lugo
95-4525