Por Resolución do 10 de febreiro de 1995 aprobouse un gasto de 7.150.000 ptas., o prego de cláusulas administrativas particulares e a apertura do procedemento de adxudicación dos contratos de subministración, entrega e instalación de butacas de salón de actos con destino á facultade de Humanidades da Coruña (expediente 3/1995).
Anunciouse por contratación directa a licitación da mencionada subministración no Diario Oficial de Galicia, e nos taboleiros de anuncios.
Cumpridos os trámites que en materia de contratacións prevé a vixente Lei de contratos do Estado e o seu regulamento, así como os requisitos establecidos no prego das bases de contratación e demais lexislación vixente. Reunida a Mesa de Contratación o 3 de abril de 1995 e vistas as ofertas económicas, así como o cumprimento das empresas e a valoración da comisión cualificadora, esta consellería,
RESOLVEU:
Primeiro.-Adxudica-lo material antes mencionado da seguinte forma:
Material: butacas.
Empresa: Mobigal.
Importe: 6.240.000.
Segundo.-O prazo de entrega e instalación deste material rematará ós 10 días do recibo da comunicación.
Terceiro.-A empresa adxudicataria deberá cumpri-las obrigas previas á formalización do correspondente contrato, esixidas nas cláusulas 15 e 16 do prego de cláusulas administrativas particulares.
Cuarto.-Faise pública a presente resolución para os efectos previstos no artigo 38 da Lei de contratos do estado e 119 do seu regulamento.
Quinto.-Contra esta resolución poderá interpoñerse recurso de reposición perante o conselleiro de Educación e Ordenación Universitaria, no prazo de un mes, contado desde o día seguinte ó da publicación desta resolución.
Santiago de Compostela, 3 de abril de 1995.
P.D. (Orde 13-12-1993)
Juan José Bértolo Cadenas
Secretario xeral da Consellería de Educación e Ordenación Universitaria
5013