Esta consellería, unha vez cumpridos os trámites administrativos correspondentes, resolveu anunciar, polo sistema de concurso de procedemento aberto, as obras, declaradas de urxencia, que se citan:
1. Cambio de cuberta e falsos teitos no C.P. de Sequelo, Marín e cambio de cuberta e obras varias no C.P. de Seixo, Marín (Pontevedra).
Orzamento de licitación: 24.953.350 ptas. (vintecatro millóns novecentas cincuenta e tres mil trescentas cincuenta pesetas).
Prazo de execución: 7 meses.
Clasificación requirida: grupo C, categoría C.
2. Ximnasio e vestiarios no C.P. de Balaídos, Vigo (Pontevedra).
Orzamento de licitación: 18.633.506 ptas. (dezaoito millóns seiscentas trinta e tres mil cincocentas seis pesetas).
Prazo de execución: 7 meses.
Sen clasificación.
Exposición de proxectos: os proxectos e os pregos de cláusulas administrativas particulares estarán de manifesto na Subdirección Xeral de Construccións e Equipamento, Secretaría Xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións das dez ás catorce horas. Os pregos de cláusulas administrativas particulares tamén se poderán examinar nas delegacións provinciais de Educación.
Prazo de presentación de proposicións: comezará o día seguinte ó da publicación da presente resolución no DOG e rematará o día 27 de xullo de 1995 ás 14 horas.
Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, observarase o disposto na cláusula 8.1 do prego das administrativas particulares.
Documentación que presentarán os licitadores: a especificada nas cláusulas 8.2., 8.3 e 8.4 do prego das administrativas particulares.
Exame da documentación: a Mesa de Contratación cualificará as documentacións presentadas e publicará a continuación no taboleiro de anuncios desta consellería, o resultado da devandita cualificación, a fin de que se reparen, dentro do prazo que se indique, os defectos materiais observados na documentación.
Apertura de proposicións: será realizada pola Mesa de Contratación ás 9 horas do día 31 de xullo de 1995 na sala de xuntas desta consellería.
O importe deste anuncio correrá a cargo da empresa adxudicataria.
Santiago de Compostela, 10 de xullo de 1995.
P.D. (Orde 13-12-1993)
Juan J. Bértolo Cadenas
Secretario xeral da Consellería de Educación e Ordenación Universitaria.
5017