O presidente da Sala do Civil e Penal do Tribunal Superior de Xustiza de Galicia:
Fai saber que no recurso de casación tramitado nesta sala co número 1 de 1995, dictouse a sentencia que no seu encabezamento e parte dispositiva, din así:
«Sentencia. Presidente, José Ramón Vázquez Sandes. Maxistrados, César Álvarez Vázquez, Daniel García Ramos, Pablo Saavedra Rodríguez e Pablo Sande García. A Coruña, dezaseis de maio de mil novecentos noventa e cinco. Visto en audiencia pública o recurso de casación nº 1/1995 procedente da Audiencia provincial de Lugo, contra a sentencia recaída na antedita audiencia en grao de apelación no xuízo de congnición nº 27 e 55/1992, acumulados, do Xulgado da Fon
sagrada, sobre a negatoria de servidume de paso, entre o recorrente José Vidal Cobas representado polo procurador Trillo Fernández e defendido polo letrado César Álvarez Carballido e como recorridos Jesús Díaz Portela, e Alsira Linares Díaz, representados polo procurador Santiago de Zarco e defendidos polo letrado José Antonio Illán Torrón; Ricardo Díaz Álvarez, Donino Díaz Portela, declarados estes en rebeldía, e as persoas descoñecidas e incertas que puidesen alegar intereses contrarios á demanda, mailo ministerio fiscal. É relator Daniel García Ramos.
Decidimos que non procede estima-lo recurso de casación interposto por José Vidal Cobas contra a sentencia dictada pola Audiencia Provincial de Lugo nos autos orixinais de que o presente rolo dimana. Non facemos especial imposición de custas. Notifíquese esta sentencia ás parte en legal forma, fágaselles saber que contra ela non cabe ningún recurso; e remítase certificación desta, xunto co rolo de apelación e autos orixinais, á audiencia de procedencia para os oportunos efectos.
Así o pronunicamos, mandamos e asinamos. Asinados: José Ramón Vázquez Sandes, César Álvarez Vázquez, Daniel García Ramos, Pablo Saavedra Rodríguez e Pablo Sande García. Rubricados.»
Foi publicada no mesmo día da súa data.
E para a súa notificación ós litigantes declarados en rebeldía, expídese o presente que se publicará no Diario Oficial de Galicia.
Dado na Coruña, vintenove de maio de mil novecentos noventa e cinco.
O secretario
Rubricado
4215