Visto o expediente incoado pola empresa Unión Eléctrica-Fenosa, S.A. co enderezo na rúa Severo Ochoa, 2, 15008 A Coruña, para a autorización administrativa, declaración de utilidade pública e aprobación do proxecto de execución da instalación eléctrica que segue:
-Liña eléctrica aérea de media tensión, a 20 kV, sobre apoios de formigón e con conductor LA-56, de 157 m de lonxitude, con orixe na liña que alimenta ó C.T. Busto e remata en C.T. Vilar de Castro.
-Centro de transformación aéreo, de 50 kVA e tensións de 20/0,380-0,220 kV, do que parte rede de baixa tensión en conductor R.Z. de 55 m de lonxitude en Vilar de Castro. Rois.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu,
Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
A Coruña, 18 de abril de 1995.
Juan Ignacio Lizaur Otero
Delegado provincial da Coruña
95-3831