Visto o expediente incoado pola empresa Unión Eléctrica-Fenosa, S.A. co enderezo na rúa Severo Ochoa, 2, 15008 A Coruña, para a autorización administrativa, declaración de utilidade pública e aprobación do proxecto de execución da instalación eléctrica que segue:

Proxecto denominado L.M.T. Subestacións Laracha-Alvite, de data 29-12-1993, consistente en:

Liña eléctrica aérea de media tensión, a 20 kV, en dobre circuíto trifásico, sobre apoios formigón e metálicos, conductor LA-110, de 6.273 m de lonxitude, coa orixe na subestación Laracha e remate no C.T. Alvite, discorrendo polos concellos de Laracha, Arteixo e Carballo.

Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial resolveu,

Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.

A Coruña, 4 de abril de 1995.

Juan Ignacio Lizaur Otero

Delegado provincial da Coruña

95-3842