Examinado o expediente incoado pola titularidade do centro privado Central Academia de Boiro (A Coruña) en solicitude de autorización para imparti-la educación permanente de adultos, equivalente ó nivel de educación xeral básica.
Resultando que o expediente foi tramitado pola Delegación Provincial de Educación e Ordenación Universitaria da Coruña, que o envía cos informes favorables da Inspección Técnica de Educación e da Unidade Técnica de Construccións.
Vistas a resolución da Dirección Xeral de Educación Básica do 27 de xullo de 1976 (BOE do 14 de agosto), a orde ministerial do 13 de xullo de 1978 (BOE do 26 de agosto), a Lei orgánica 1/1990, do 3 de outubro, de ordenación xeral do sistema educativo (BOE do 4) e demais disposicións complementarias.
Considerando que o centro solicitante reúne os requisitos esixidos polas disposicións en vigor, vindo resolve-las necesidades existentes na zona de postos escolares dese nivel educativo.
Esta consellería dispón:
Concede-la autorización para imparti-la educación permanente de adultos, equivalente ó nivel de EXB, ó centro privado relacionado no anexo, nos termos que nel se detallan.
A cualificación do alumnado que curse ensinanzas neste centro axustarase ó disposto na Orde do 17 de abril de 1986 (DOG do 7 de maio).
Santiago de Compostela, 15 de maio de 1995.
Juan Piñeiro Permuy
Conselleiro de Educación e Ordenación Universitaria
ANEXO
Provincia da Coruña.
Concello: Boiro.
Localidade: Boiro.
Enderezo: Norberto Pijuán, 5-1º E.
Denominación: Central Academia.
Titular: Luis Figueroa Dorrego.
Autorización para impartir EPA, modalidade: centro.
95-3933