Esta consellería, unha vez cumpridos os trámites administrativos correspondentes, resolveu anunciar, polo sistema de concurso de procedemento aberto, a obra declarada de urxencia que se cita:
-Cuberta pista polideportiva no Colexio Público de Castrelo-Cambados (Pontevedra).
-Orzamento de licitación: 20.172.289 ptas. (vinte millóns cento setenta e dúas mil duascentas oitenta e nove pesetas).
-Prazo de execución: 3 meses.
-Clasificación requirida: grupo C, categoría C.
Exposición de proxectos: o proxecto e o prego de cláusulas administrativas particulares estará de manifesto na Subdirección Xeral de Construccións e Equipamento, Secretaría Xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións das dez a catorce horas. O prego de cláusulas administrativas particulares tamén se poderá examinar nas delegacións provinciais de Educación.
Prazo de presentación de proposicións: comezará ó día seguinte ó da publicación da presente resolución no Boletín Oficial del Estado e rematará o día 15 de xullo de 1995 ás 14 horas.
Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, estarase ó disposto na cláusula 8.1 do prego das administrativas particulares.
Documentación que presentarán os licitadores: a especificada nas cláusulas 8.2., 8.3 e 8.4 do prego das administrativas particulares.
Exame da documentación: a Mesa de Contratación, calificará as documentacións presentadas e publicará a continuación no taboleiro de anuncios desta consellería, o resultado da devandita calificación, a fin de que se subsanen, dentro do prazo que se indique os defectos materiais observados na documentación.
Apertura de proposicións: será realizada pola Mesa de Contratación ás 11.30 do día 21 de xullo de 1995 na Sala de Xuntas desta consellería.
O importe deste anuncio correrá a cargo da empresa adxudicataria.
Santiago de Compostela, 28 de xuño de 1995
Juan J. Bértolo Cadenas
Secretario xeral da Consellería de Educación e Ordenación Universitaria
95-03287