Esta consellería, unha vez cumpridos os trámites administrativos correspondentes, resolveu anunciar, polo sistema de concurso de procedemento aberto a obra declarada de urxencia que se cita:
-Acondicionamento de aseos e vestiarios exteriores no Colexio Público Eijo Garay de Vigo, Pontevedra.
-Orzamento de licitación: 17.513.876 ptas. (dezasete millóns cincocentas trece mil oitocentas setenta e seis pesetas).
-Prazo de execución: 2 meses.
-Clasificación requirida: grupo "C", categoría "C".
Exposición de proxectos: o proxecto e o prego de cláusulas administrativas particulares estará de manifesto na Subdirección Xeral de Construccións e Equipamento, Secretaría Xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións das dez ás catorce horas. O prego de cláusulas administrativas particulares tamén se poderá examinar nas delegacións provinciais de Educación.
Prazo de presentación de proposicións: comezará ó día seguinte ó da publicación da presente Resolución no BOE e rematará o día 15 de xulio de 1995 ás 14 horas.
Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, aplicarase o disposto na cláusula 8.1 do prego das administrativas particulares.
Documentación que presentarán os licitadores.-A especificada nas cláusulas 8.2, 8.3 e 8.4 do prego das administrativas particulares.
Exame da documentación: a Mesa de Contratación cualificará as documentacións presentadas e publicará a continuación no taboleiro de anuncios desta consellería, o resultado da devandita cualificación, co fin de que se corrixan, dentro do prazo que se indique os defectos materiais observados na documentación.
Apertura de proposicións: será realizada pola mesa de Contratación ás 11 do día 21 de xullo de 1995 na sala de xuntas desta consellería.
O importe deste anuncio correrá a cargo da empresa adxudicataria.
Santiago de Compostela, 28 de xuño de 1995
Juan J. Bértolo Cadenas
Secretario xeral da Consellería
de Educación e Ordenación Universitaria
4854
