Dentro dos programas de actividades que a Academia Galega de Seguridade ten previsto realizar no ano 1995 e conforme as funcións atribuídas pola Lei 4/1992, do 9 de abril, de creación da Academia Galega de Seguridade, a formación dos bombeiros é unha das tarefas encomendadas á devantida academia.
Con base no anterior anúnciase a celebración de dous cursos sobre apontoamentos que deberán desenvolverse conforme ás seguintes bases:
-Obxectivos.
a) Coñece-los distintos tipos de construcción dos edificios.
b) Identifica-los elementos estructurais.
c) Distinguir algunhas das causas de ruína (fendas e gretas).
d) Realizar traballos de apontoamentos dos elementos estructurais.
-Destinatarios.
Os cursos van dirixidos a:
1º curso. Os mandos dos corpos de bombeiros da Comunidade Autónoma de Galicia.
2º curso. Os bombeiros da Comunidade Autónoma de Galicia
-Prazas.
O número de prazas ofertadas para cada un dos cursos será de 30.
-Inscrición.
A inscrición dos participantes será totalmente gratuíta.
-Solicitudes.
1. O persoal que desexe participar nestes cursos deberá presentar, cuberta a máquina ou con letra moi clara, a instancia que figura no anexo, acompañada dunha fotocopia do DNI.
2. O prazo para a presentación de instancias rematará o día 26 de setembro de 1995.
3. As instancias deberán enviarse á sede da Academia Galega de Seguridade: rúa de Madrid, s/n, Polígono das Fontiñas, 15703 Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
-Contido e duración.
Os cursos serán eminentemente prácticos e celebraranse en sesións de mañá e tarde durante os días
16, 17, 18, 19, 20 e 21 de outubro de 1995, tendo cada curso unha duración de 24 horas lectivas, e neles trataranse, entre outros, os seguintes temas:
a) Materiais de construcción.
b) Clasificación dos terreos. Ideas xerais. Cimentacións. Materiais que se empregan. Resistencia ó lume. Protección contra o lume.
c) Paredes ou muros. Materiais que se empregan. Resistencia e protección contra o lume.
d) Teitos e pisos, etc.
-Profesorado.
Os cursos serán impartidos por profesores e monitores pertencentes ó Servicio de Extinción de Incendios e Salvamento do Concello de Sevilla.
-Datas.
Os cursos celebraranse:
1. O curso dirixido a mandos: días 16, 17 e 18 de outubro de 1995.
2. O curso dirixido a bombeiros: 19, 20 e 21 de outubro de 1995.
O horario será de 9 a 20 horas.
-Relación de admitidos.
A relación de admitidos publicarase o día 3 de outubro de 1995 no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 34 00.
-Lugar.
Na sede da Academia Galega de Seguridade, sita na rúa Madrid s/n, Polígono das Fontiñas, Santiago de Compostela.
-Certificado de participación e aproveitamento.
Ó remate dos cursos entregaráselles un certificado de asistencia e aproveitamento a aquelas persoas que acrediten a súa participación continuada a el, non podendo supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, e a non superación das correspondentes probas de coñecementos, impedirá a expedición do certificado.
-Modificacións.
A Academia Galega de Seguridade poderá modifica-lo desenvolvemento dos cursos para adaptalos ás necesidades da Administración e ás continxencias que poidan xurdir.
Santiago de Compostela, 21 de xuño de 1995.
Juan José Fariñas-Ferro Rodríguez
Director xeral da Academia Galega de Seguridade
José Antonio Álvarez Vidal
Secretario xeral da Academia Galega de Seguridade
4762