Dentro do programa de actividades que a Academia Galega de Seguridade ten previsto realizar no ano
1995 e conforme as funcións atribuídas pola Lei 4/1992, do 9 de abril, de creación da Academia Galega de Seguridade, a formación dos bombeiros é unha das tarefas encomendadas á devantida academia.
Con base no anterior anúnciase a celebración dun curso sobre Transporte de Mercadorías Perigosas, que deberá desenvolverse conforme ás seguintes bases:
Obxectivos.
Dota-los participantes dunha formación tanto teórica coma práctica, que lles poida ser útil no seu posterior labor profesional.
Destinatarios.
O curso vai dirixido ós mandos dos corpos de bombeiros de Galicia.
Prazas.
O número de prazas ofertadas é de 30.
Inscrición.
A inscrición dos participantes será totalmente gratuíta.
Solicitudes.
1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo, acompañada dunha fotocopia do DNI.
2. O prazo para a presentación de instancias rematará o día 13 de setembro de 1995.
3. As instancias deberán enviarse á sede da Academia Galega de Seguridade: rúa de Madrid, s/n, Polígono das Fontiñas, 15703 Santiago de Compostela, ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Contido e duración.
O curso será eminentemente práctico e celebrarase en sesións de tarde do 25 ó 29 de setembro de 1995, tendo unha duración de 20 horas lectivas (dous dos días da devandita semana terán horario de mañá e tarde, co fin de trasladarse fóra das instalacións da AGS para desenvolve-las prácticas do curso), e nel trataranse, entre outros, os seguintes temas:
a) Normativa vixente no transporte de mercadorías perigosas (TMP). Documentos no transporte. Responsabilidades xurídicas.
b) Definicións e clasificacións de materias perigosas. Estados da materia e reaccións químicas.
c) Fichas de seguridade de productos químicos no transporte de mercadorías perigosas.
c) Transporte das distintas mercadorías perigosas por estrada e ferrocarril. Características e principais riscos. Medidas de seguridade. Etiquetado e sinalización.
d) GLP. Envasado. Transvasamento e Transporte. Caso práctico nunha empresa radicada en Galicia.
e) Envases e embalaxes de mercadorías perigosas. Tipos e homologación.
f) Accidentes maiores no sector químico. Medidas que cómpre adoptar. Plan de emerxencia.
Profesorado.
O curso será impartido por profesores especialistas da materia que se vai impartir.
Datas.
O curso celebrarase do 25 ó 29 de setembro de 1995.
O horario será de 16 a 20 horas durante tres días, e os dous días de prácticas será de mañá e tarde.
Relación de admitidos.
A relación de admitidos publicarase o día 19 de setembro de 1995 no taboleiro de anuncios da Academia Galega de Seguridade, ou ben poden confirma-la súa asistencia chamando ó teléfono (981) 56 34 00.
Lugar.
Na sede da Academia Galega de Seguridade, sita na rúa Madrid s/n, Polígono das Fontiñas, Santiago de Compostela.
Certificado de participación e aproveitamento.
Ó remate do curso entregaráselles un certificado de asistencia e aproveitamento a aquelas persoas que acrediten a súa participación continuada nel, non podendo supera-las faltas de asistencia un 15% do total da duración de horas lectivas do curso; unha inasistencia superior ó 15%, aínda que sexa xustificada, e a non superación das correspondentes probas de coñecementos, impedirá a expedición do certificado.
Modificacións.
A Academia Galega de Seguridade poderá modifica-lo desenvolvemento do curso para adaptalo ás necesidades da Administración e ás continxencias que poidan xurdir.
Santiago de Compostela, 21 de xuño de 1995
Juan José Fariñas-Ferro Rodríguez
Director xeral da Academia Galega de Seguridade
95-4627
