Visto o texto do convenio colectivo de ámbito da Comunidade Autónoma de Galicia da empresa Acsa Galicia, S.A. que se subscribiu na data do 25 de abril de 1995, entre a representación da empresa e o delegado de persoal en representación dos traballadores, e de conformidade co disposto no artigo 90.2º e 3º da Lei 8/1980, do 10 de marzo, do Estatuto dos traballadores, e o artigo 2 do Real decreto 1040/1981, do 22 de maio, sobre rexistro e depósito de convenios colectivos de traballo. Esta dirección xeral,
ACORDA:
Primeiro.-Ordena-la inscrición do devandito convenio colectivo no rexistro xeral de convenios desta dirección xeral.
Segundo.-Remiti-lo texto orixinal ó correspondente servicio deste centro directivo.
Terceiro.-Dispoñe-la súa publicación no Diario Oficial de Galicia.
Santiago de Compostela, 18 de maio de 1995.
Juan Pedrosa Vicente
Director xeral de Relacións Laborais
Convenio colectivo sindical (pacto de empresa) de ámbito interprovincial para a empresa Acsa Galicia, S.A.
Artigo 1º.-Ámbito.
O presente convenio colectivo sindical regulará a partir da súa entrada en vigor as relacións laborais de todo o persoal da empresa Acsa Galicia, S.A. na totalidade dos seus centros de traballo da Coruña e Lugo.
Artigo 2º.-Vixencia e duración.
Este convenio entrará en vigor o mesmo día da súa sinatura. Manterase en vigor ata o 31 de decembro de 1995 e tódalas melloras entenderanse desde o 1 de xaneiro de 1995. Entenderase prorrogado de ano en ano se non é denunciado por unha ou outra das representacións negociadoras, cunha antelación mínima de un mes respecto da súa data de expiración.
Artigo 3º.-Garantía ad personam.
Respectaranse as condicións persoais en concepto de retribucións de calquera clase que, consideradas no seu conxunto e cómputo anual, sexan máis beneficiosas cás tipificadas no presente convenio colectivo, manténdose estrictamente ad personam.
Artigo 4º.-Período de proba.
Sempre que así se faga constar no contrato de traballo, as admisións de novo persoal serán a título de proba, que comprenderá os seguintes períodos referidos ós distintos grupos de persoal:
Servicio posvenda: 30 días.
Administrativos: 30 días.
Técnicos comerciais: 90 días.
Software: 90 días.
Non cualificados: 10 días.
En calquera momento de tal período de proba ou ó chega-lo seu remate, a empresa ou o traballador poderán resolver libremente o contrato sen prazo de preaviso nin indemnización ningunha.
Artigo 5º.-Mobilidade do persoal.
Se a empresa acorda un traslado dos comprendidos no artigo 40 do Estatuto dos traballadores e o traballador non acepta o traslado, pronunciándose como consecuencia a autoridade laboral, estimando resolto o contrato de traballo, a empresa aboará como indemnización unha cantidade equivalente a dúas mensualidades por ano de servicio. Se, polo contrario, fose a empresa a que non aceptase a aplicación dos preceptos citados, e como consecuencia diso, a autoridade laboral declara rescindido o contrato de traballo, a empresa aboará unha cantidade equivalente a tres meses do salario por ano de servicio, considerándose a situación equiparada á de despido improcedente.
En todo caso, queda entendido que a normativa deste artigo se aplicará naqueles casos nos que non haxa acordo previo entre a empresa e o traballador, xa que no suposto de que o traslado se leve a cabo de mutuo
acordo, as partes acordarán o que se considere conveniente sobre o particular.
Artigo 6º.-Horas extraordinarias.
Como norma prohíbense as horas extraordinarias ou estructurais. En calquera caso, por aglomeración de traballo e urxencia de determinación del, poderanse pactar estas de forma individual así como a súa compensación económica ou mediante o desfrute de tempo libre. En ningún caso se poderán efectuar máis horas extras cás permitidas pola lexislación vixente.
Artigo 7º.-Axudas de custo.
A axuda de custo ou pensión alimenticia queda establecida da seguinte forma:
Media axuda de custo (xantar): 1.500 ptas.
Media axuda de custo (cea): 1.500 ptas.
Para pernoctar poderase utilizar un hotel ou residencia de ata tres estrelas, que se terá que xustificar. Se non houbese posibilidade de encontrar aloxamento da devandita categoría, ou non dispuxese este de habitación libre, poderase utilizar hotel ou residencia de categoría superior e baixo as mesmas condicións de xustificación.
Artigo 8º.-Condicións específicas do persoal comercial.
As condicións para este persoal serán as que teñen especificamente e individualmente convidas. Tales condicións poderán ser obxecto de revisión en función das evolucións que se produzan no mercado en que se desenvolva a actividade comercial da empresa.
Con independencia do anterior, o persoal comercial rexerase polas mesmas normas aplicadas ó resto do persoal (quilometraxe, axudas de custo, horario e demais normas non especificamente económicas).
Artigo 9º.-Incapacidade laboral transitoria.
A todo o persoal que se atopa en situación de ILT, derivada de enfermidade común ou profesional, accidente laboral ou extralaboral, a empresa complementaralle as percepcións que por estes conceptos perciba ata o límite de todo caso do 100% do salario real promediado dos últimos doce meses.
En ningún caso o total da percepción neta en situación de ILT será superior ó percibido en situación de alta.
A empresa reserva para si o dereito de confirmar a través dos servicios inspectores da Seguridade Social de baixas emitidas.
Artigo 10º.-Quilometraxe.
Compensarase segundo as normas vixentes ós empregados que, de acordo coa empresa, utilicen o coche como instrumento de traballo ó servicio dela, aboando o prezo por quilometraxe percorrido a vintecinco pesetas (25 ptas.).
En caso de subida da gasolina estudiaríase a porcentaxe dela por quilómetro.
Artigo 11º.-Garantía do posto de traballo.
O persoal en postos de traballo a extinguir deberá ser formado noutros similares, coas garantías necesarias para acceder a estes e de acordo co comité de empresa ou delegado de persoal, nestas formacións.
Como medida de protección ó posto de traballo, non poderán realizarse traballos fóra do ámbito da empresa se esta dispuxese de persoal especializado para a realización dos mesmos. En todo caso e se, por circunstancia especiais, a empresa considerase necesario realizar traballos fóra dela, requiriráselle o previo informe ó comité de empresa ou delegado de persoal.
Como medida de reducción do paro e a partir da entrada en vigor do presente convenio, non poderá contratarse persoal que estea dado de alta na Seguridade Social noutra empresa.
Nos supostos en que a maxistratura de traballo declare improcedente o despido e inmediatamente que a sentencia sexa firme, a empresa obrígase, agás acordo co traballador, á readmisión naqueles casos nos que o despido se basease na afiliación ou actuación política ou sindical do traballador sancionado.
Artigo 12º.-Cursos nacionais de formación.
Nos cursos de formación profesional e reciclaxe que a empresa organice en territorio nacional rexerá a seguinte normativa:
a) Os gastos de desprazamento serán por conta da empresa.
b) O traballador poderá elixi-lo medio de transporte, sempre que estea á hora de comezo do curso no lugar sinalado e que o saído pola empresa para o seu desprazamento non supoña un custo maior có dos medios públicos de transporte existentes para efectuar tal desprazamento (avión, tren, etc.).
c) Por cada mes de curso, o traballador desfrutará dunha fin de semana no seu domicilio, correndo por conta da empresa os gastos de desprazamento.
d) Se a duración do curso nacional fose superior a tres meses, o traballador poderá retornar ó seu centro e posto de traballo, permanecendo nel durante unha semana.
Artigo 13º.-Pagas extraordinarias.
As datas de aboamento das pagas extraordinarias serán: 31 de marzo, 30 de xuño, 15 de outubro, 15 de decembro. Estas datas poderán ser modificadas por razóns administrativas, advertindo diso ó persoal con oito días de antelación. O devengo será trimestral.
Artigo 14º.-Vacacións.
O persoal afectado polo presente convenio, desfrutará de vintetrés días laborais de vacacións anuais, a partir dun ano de antigüidade; para estes efectos de cálculo dos días laborables, o sábado será considerado como festivo. As vacacións poderán ser desfrutadas en forma ininterrompida ou fraccionada a petición do traballador e de acordo coa empresa.
Se por solicitude da compañía se interrompen as vacacións e con iso se lle causa un prexuízo económico ó traballador, este será resarcido de tal prexuízo, sempre que haxa pola súa parte advertencia previa e posterior xustificación deste.
Por outra parte, o traballador desfrutará dun día máis de vacacións cando tal interrupción, pedida pola empresa, sexa inferior ou igual a cinco días, e de dous máis se excede de cinco días, en ámbolos casos laborables.
Nos casos de liquidación por saldo, ó importe da cantidade devengada en concepto de vacacións agregaráselle a parte proporcional dos festivos comprendidos no dito aboamento.
A empresa obrígase a notificar, de acordo cos representantes dos traballadores, as datas de vacacións con dous meses de antelación.
Artigo 15º.-Permisos e excedencias.
Haberá que aterse neste punto ó establecido na lexislación vixente. Coa salvidade de que o traballador que o solicite terá dereito a un número de días de permiso non retribuídos ou por conta das súas vacacións anuais (a opción do traballador) para asuntos propios e non superior a seis días ó ano. Estes días non serán consecutivos, agás acordo da dirección e para o seu desfrute será preciso que a coincidencia do número de persoas que utilicen este dereito simultaneamente no centro de traballo non prexudique en forma apreciable o normal funcionamento del.
O traballador, logo de aviso e xustificación, poderá ausentarse do traballo, con dereito a remuneración, por algún dos motivos e polo tempo seguintes:
a) Quince días naturais en caso de matrimonio.
b) Tres días nos casos de nacemento dun fillo ou enfermidade grave ou falecemento de parentes ata segundo grao de consanguinidade ou afinidade. Cando con tal motivo o traballador necesite facer un desprazamento fóra da provincia, para tal efecto, o prazo será de cinco días.
Artigo 16º.-Maternidade.
O persoal que por razón de maternidade necesite imprescindiblemente supera-los prazos de descanso legalmente establecidos poderá solicitar unha excedencia na forma e condicións establecidas na lexislación vixente, coa única salvidade de que o seu reingreso se producirá na data en que o solicite, con preaviso mínimo de dous meses; esta reincorporación producirase nun posto de traballo adecuado á súa categoría profesional.
Se fose necesaria a contratación doutra persoa para tal período de descanso e excedencia, se é o caso, entenderase sempre que a persoa substituta se contratou co carácter de interina e cesará na súa relación laboral coa empresa ó se produci-lo retorno da substituída.
Cando as ditas traballadoras en situación de baixa por maternidade non superen o período autorizado pola lexislación vixente, reincorporaranse ó mesmo
posto de traballo que ocupaban antes de se produci-la baixa. Se tal baixa por este concepto superase o período arriba referido, a interesada retornará ó mesmo ou a outro posto de traballo, respectándose as súas condicións de salario e antigüidade.
Artigo 17º.-Enfermidade dos fillos.
Os traballadores gozarán de permiso non superior a dez días anuais, interrompidos ou non, para atender enfermidades graves e xustificadas dos seus fillos; estes días terán a seguinte remuneración:
-Primeiro e segundo día: aboables ó 100%.
-Segundo e cuarto día: aboables ó 70%.
-Quinto, sexto, sétimo e oitavo día: aboables ó 40%.
-Noveno e décimo día: non retribuídos.
Artigo 18º.-Revisión médica.
A empresa seguirá ordenando pola súa conta a revisión médica anual para todo o persoal da organización.
Independentemente do anterior, tódalas traballadoras que o desexen terán dereito a unha revisión xinecolóxica anual, a cargo da empresa ata un máximo de 10.000 ptas., logo de xustificante do pagamento.
Artigo 19º.-Visita médica.
O persoal que teña necesidade de asistir a consultas de especialistas alleos á Seguridade Social poderá acudir a elas, logo de autorización do seu xefe inmediato e sen perda de remuneración sempre que non sexa posible efectualo fóra das horas de traballo.
Para que estas consultas se entendan comprendidas no parágrafo anterior será indispensable a achega de xustificantes de se ter realizada a visita médica.
Artigo 20º.-Xornada de traballo.
A xornada de traballo será de 40 horas semanais, agás na denominada xornada de verán, que será de 35 horas semanais. A distribución farase da seguinte maneira:
Horario de inverno:
-8.30 horas a 14 horas.
-16 horas a 18.30 horas.
Horario de verán: 12 de xuño a 16 de setembro de 1995.
-8 horas a 15 horas.
En tódolos casos de luns a venres.
Artigo 21º.-Incremento salarial.
O incremento de masa salarial, aboada pola empresa durante 1994, composta por: salario base, prima de producción, antigüidade e plus de transporte crece para 1995 nun 3,5%. O importe resultante da subida dos pluses será incrementado ó salario base. Sen prexuízo do apartado anterior, no caso de que o índice de prezos ó consumo IPC establecido polo INE rexistrase o 31 de decembro de 1995 unha suba superior
ó 3,5%, actualizaranse os salarios con carácter retroactivo desde o 1-1-1995. Os atrasos do IPC unha vez coñecido cobraranse nunha soa paga.
Artigo 22º.-Antigüidade.
Sendo Acsa Galicia, S.A. unha empresa creada a partir do persoal de Gispert, S.A. en 1982, e téndose respectado na súa contía económica a antigüidade habida na anterior empresa, tódolos traballadores no cadro de persoal de Acsa Galicia, S.A. inician en xaneiro de 1983 un novo período, os máis antigos e os demais na data da súa incorporación a Acsa Galicia, S.A.
Neste sentido e mantendo o compromiso de adecua-las condicións existentes en Gispert, S.A. á nova empresa, fíxase, para cando haxa lugar, os períodos de antigüidade en quinquenios e o seu valor en 2.300 ptas., resultando de aplica-lo valor da antigüidade existente en 1983 en Gispert, S.A. a inflación habida no período 1983-1986.
Artigo 23º.-Dereitos sindicais.
Serán todos aqueles de elección e representación que estipule a lei en cada momento coas melloras adicionais que a seguir se detallan:
Dúas reunións anuais para tódolos traballadores, dentro do horario de traballo.
Artigo 24º.-Transporte.
Os empregados de Acsa Galicia, S.A. dos departamentos de SPV, almacén e administración percibirán como compensación ó transporte a cantidade de 6.100 ptas. mensuais, é dicir, 12 veces no ano.
Artigo 25º.-Comisión paritaria de vixencia e aplicación.
A comisión paritaria para resolve-las cuestións que se deriben da aplicación deste convenio estará integrada por: José Veira Villar, vocal da empresa; Manuel López Edreira, vocal dos traballadores.
Artigo 26º.-Absorción e compensación.
As disposicións legais que se dicten durante a vixencia do presente convenio e que supoñan tanto unha variación económica, como de xornada, vacacións ou calquera outra das materias reguladas neste convenio ou con existencia xa de feito nas relacións de traballo da empresa, unicamente terán eficacia cando, consideradas na súa totalidade, superasen a nivel individual e en cómputo anual as preexistentes en Acsa Galicia, S.A., debendo entenderse en caso contrario absorbidas na súa totalidade polas melloras actuais ou pactadas neste convenio.
Este convenio representa unha unidade cerrada no seu conxunto, de tal forma que calquera situación individual que poida ser regulada dentro del, haberá de interpretarse no seu contexto e en valoración anual, entendéndose que tódalas melloras ou situacións persoais que poidan alegarse como prexuízo inidividual terán que considerarse xuntamente cos beneficios que se obteñan da aplicación total deste convenio.
TÁBOA SALARIAL 1995
1995
Sal. base Antigüi. Transp. Produc. Total mes Total ano % Increm. Incremento
S.P.V. José E. Veira Villar 148.216 4600 6100 15500 174.416 2.704.248 3,50 91.448
Miguel González López 149.418 2300 6100 21000 178.818 2.752.686 3,50 93.086
Jorge González Álvarez 147.478 4600 6100 15000 173.178 2.686.446 3,50 90.846
Bernardino Fernández Iglesias 131.021 4600 6100 15000 156.721 2.423.142 3,50 81.942
José Luis Espiñeira Luaces 124.501 4600 6100 15000 150.201 2.318.814 3,50 78.414
Ángel Luengo Fernández 141.217 4600 6100 17000 168.917 2.610.270 3,50 88.270
Manuel L. García Muinelo 147.220 4600 6100 17000 174.920 2.706.318 3,50 91.518
José M. Blanco Velo 150.221 4600 6100 17000 177.921 2.754.342 3,50 93.142
Manuel López Edreira 141.992 4600 6100 15000 167.692 2.598.678 3,50 87.878
Francisco Vázquez Fernández 128.590 4600 6100 17000 156.290 2.408.238 3,50 81.438
Modesto Martínez Montes 106.429 2300 6100 17000 131.829 2.016.862 4,33 83.662
Jesús Souto Nieves 106.429 2300 6100 17000 131.829 2.016.862 4,33 83.662
Camilo Martínez Martínez 92.728 2300 6100 15500 116.628 1.779.640 4,44 75.640
Juan José Sánchez Pérez 82.692 6100 11500 100.292 1.534.272 5,14 75.072
Jesús Corbelle Suárez 81.631 6100 10500 98.231 1.505.292 5,18 74.092
Totais 1.800.400 50.600 91.500 236.600 2.178.500 34.816.110 3,79 1.270.110
ADMINISTRACIÓN
Ana López García 142.022 4600 6100 152.722 2.419.156 4,54 104.996
Susana Nieto Alfonso 104.303 2300 6100 112.703 1.778.850 4,92 83.343
Concepción Pena Vila 112.904 4600 6100 123.604 1.953.257 4,79 89.241
Dolores López Lence 107.431 2300 6100 115.831 1.828.891 4,88 85.035
Mª Pilar García Pérez 136.549 2300 6100 144.949 2.294.790 4,59 100.790
Totais 574.246 9200 30500 649.809 10.274.943 4,72 463.404
ALMACÉN
Antonio Suárez Vázquez 100.871 4600 6100 111.571 1.760.742 3,50 59.542
José Veira Mosquera 105.160 6100 111.260 1.755.762 4,93 82.562
Totais 206.031 4600 12200 222.831 3516504 4,22 142104
VENDAS
Antonio Gómez Bellón 134.075 4600 6100 144.775 2.292.003 3,50 77.507
J.L. Villanueva Santos 134.075 4600 6100 144.775 2.292.003 3,50 77.507
Víctor Molinos García 114.103 6100 120.203 1.898.852 3,50 64.212
Antonio de Miguel Lozano 117.262 6100 123.362 1.949.394 3,50 65.922
Ramón Gómez Vázquez 127.764 2300 6100 136.164 2.154.218 3,50 72.848
Andrés Couto Cagiao 75.444 2300 6100 83.844 1.317.100 3,50 44.540
Totais 702.723 13.800 36600 753.123 11903570 3,50 402.536
4626