O artigo 7 da Orde do 30 de xuño establecía que os responsables dos rexistros de entrada e saída dos documentos nos servicios centrais das distintas consellerías eran os encargados da custodia e recadación dos efectos timbrados necesarios para a prestación dos servicios nos que o pagamento está previsto que se realice por este medio.
Por sentencia do 26 de abril de 1995 do Tribunal Superior de Xustiza de Galicia, declárase a nulidade do citado artigo 7.
Dando cumprimento á citada sentencia,
DISPOÑO:
Artigo único.
Queda derrogado o artigo 7 da Orde do 30 de xuño de 1992, pola que se aproba o modelo de autoliquidación das taxas da Comunidade Autónoma de Galicia e se establece a utilización de efectos timbrados para o pagamento das taxas por servicios administrativos de compulsa de documentos e de verifi
cación da suficiencia de poderes e documentos acreditativos de lexitimación, substituíndoo polo texto que queda redactado como segue:
Artigo 7º
Os habilitados responsables de fondos públicos nos servicios centrais das distintas consellerías, solicitarán da Dirección Xeral de Política Financeira e Tesouro os selos de cada clase que cómpren para a prestación dos servicios gravados polas ditas taxas, sendo responsables da súa custodia e recadación.
Disposición derradeira
Esta orden entrará en vigor ó día seguinte da súa publicación no Diario Oficial de Galicia.
Santiago de Compostela, 31 de maio de 1995.
José Antonio Orza Fernández
Conselleiro de Economía y Hacienda
95-4708
