Esta delegación provincial, cumpridos os trámites administrativos correspondentes, resolve anuncia-la contratación directa das obras que se citan:
-Substitución de carpintería exterior no C.P. de Corme-Ponteceso.
Orzamento de contrata: 15.703.913 ptas.
Prazo de execución: tres meses.
-Substitución da rede de saneamento e fontanería no I.F.P. de Monte Alto, A Coruña.
Orzamento de contrata: 11.494.301 ptas.
Prazo de execución: tres meses.
Os proxectos e pregos de cláusulas administrativas particulares están á disposición dos interesados nas dependencias da delegación provincial, edificio administrativo de servicios múltiples, 7ª planta, Monelos, A Coruña.
O prazo para presentación das proposicións será de dez (10) días hábiles contados a partir do día da publicación do presente anuncio no DOG, rematando ás 13 horas do derradeiro día do prazo. Se este coincide en sábado, o prazo rematará o seguinte día hábil.
As propostas presentaranse en man, no rexistro da delegación provincial e cos requisitos sinalados no prego de cláusulas administrativas particulares correspondentes.
A apertura de plicas terá lugar ás 12 horas do terceiro día hábil seguinte ó remate do prazo de presentación das licitacións, pasando ó luns, se este coincide en sábado.
O importe do presente anuncio será por conta das empresas adxudicatarias.
A Coruña, 21 de xuño de 1995.
Francisco Pérez Rivas
Delegado provincial da Coruña
95-4361