Aprobado inicialmente polo Concello Pleno, con data 3 de maio de 1995, PP O Troncal (3016/411), de iniciativa municipal, redactado polo arquitecto Arturo Fraga Fernández, condicionando a aprobación definitiva á previa aprobación definitiva do programa de actuación urbanística do Troncal, en tramitación, coas seguintes observacións:

a) A parcela A, que é onde se sitúa o 15% de aproveitamento municipal, poderá ter un uso dotacional.

b) Que se estudie a posibilidade de situar en superficie prazas de aparcamento.

c) Incluí-la execución do vial que conecta con San Xoán Poulo na primeira fase.

Sométese a información pública polo prazo de un mes con anuncios no Diario Oficial de Galicia, BOP, Faro de Vigo e taboleiro de anuncios da casa do concello.

O prazo entenderase aberto desde a primeira publicación ata o remate do mes, contado desde o día seguinte ó do derradeiro anuncio.

O que se fai público para xeral coñecemento, significando que a documentación se atopa na oficina municipal de información para exame e alegacións.

Vigo, 11 de maio de 1995.

Carlos A. González Príncipe

Alcalde