A Consellería de Industria e Comercio convoca o seguinte concurso público:

Obxecto: subministración, desenvolvemento, integración, instalación e posta en marcha do sistema informático de xestión e control no Laboratorio de Medio Ambiente Industrial de Galicia.

Orzamento: catorce millóns de pesetas (14.000.000 de ptas.) que se desagrega en dous lotes: nove millóns seiscentas unha mil seiscentas pesetas (9.601.600 ptas.) para o lote nº 1 (hardware) e catro millóns trescentas noventa e oito mil catrocentas pesetas (4.398.400 ptas.) para o lote nº 2 (paquetes de software e desenvolvemento de aplicación).

Documentos de interese para os licitantes: os pregos de prescricións técnicas e de cláusulas administrativas particulares estarán de manifesto e á disposición dos interesados para o seu exame, durante o prazo de presentación de proposicións en días e horas hábiles de oficina, na Secretaría Xeral da Consellería de Industria e Comercio da Xunta de Galicia, sita en San Caetano, edificio administrativo, nº 5-4º andar, Santiago de Compostela.

Presentación de proposicións: as proposicións dirixiranse en calquera dos modos previstos no artigo 100 do Regulamento xeral de contratos do Estado á Secretaría Xeral da Consellería de Industria e Comercio, no prazo de vinte días hábiles, contados desde o día seguinte ó da publicación deste anuncio no Diario Oficial de Galicia.

Apertura de pregos: a apertura de pregos terá lugar na Consellería de Industria e Comercio ás once horas do décimo primeiro día hábil ó da finalización do prazo de presentación de proposicións, ou se este fose sábado, posporase ó primeiro día hábil.

Documentos que deben presenta-los licitadores: os indicados na cláusula 7ª do prego de cláusulas administrativas.

Fianza provisional: será de dous por cento (2%) sobre o tipo de licitación, duascentas oitenta mil pesetas (280.000 ptas.).

Prazo de execución: o obxecto do contrato deberá ser entregado e instalado no prazo de tres meses, contado a partir da sinatura do contrato.

O importe deste anuncio correrá por conta do adxudicatario.

Santiago de compostela, 6 de xuño de 1995.

Manuel Barreiro Barbeito

Secretario xeral da Consellería de Industria

e Comercio