Examinada a solicitude de inscrición no Rexistro de Entidades de Promoción do Camiño de Santiago, presentada pola Jakobusgemeinschaft (Sociedade Xacobea Alemana), do 10 de febreiro de 1995.
Visto o Decreto 224/1994, do 2 de xuño, polo que se crea o referido rexistro.
Visto igualmente o informe da Dirección Xeral de Promoción do Camiño de Santiago, emitido de acordo co artigo 3.
Considerando que a solicitude presentada cumpre as normas establecidas no decreto de referencia,
RESOLVO:
Que a Jakobusgemeinschaft (Sociedade Xacobea Alemana) quede inscrita no Rexistro de Entidades de Promoción do Camiño de Santiago co número 040.
Santiago de Compostela, 5 de abril de 1995.
Víctor Manuel Vázquez Portomeñe
Conselleiro de Cultura