Aprobado inicialmente polo Concello Pleno, con data do 3 de marzo de 1995, o estudio de detalle na rúa Ramón Nieto, esquina rúa Pardavila (3243/411), redactado polo arquitecto Leopoldo Salceda Alvite, visado polo COAG con datas do 24 de agosto e 31 de outubro de 1994, sométese a información pública, polo prazo de quince días hábiles, con anuncios no Diario Oficial de Galicia, BOP, Faro de Vigo e taboleiro de anuncios da Casa do Concello, con notificación persoal ós propietarios e restantes interesados directamente afectados.
O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.
O devandito acordo sinala como área afectada pola suspensión de licencias de parcelación, edificación
e demolición a abranguida polo seu ámbito cos límites seguintes:
-Norte: rúa Pardavila.
-Sur: rúa Ramón Nieto.
-Leste: U.E. Ramón Nieto, 5.
-Oeste: rúa Pardavila.
O que se fai público para xeral coñecemento, significando que a documentación se atopa na oficina municipal de información para exame e alegacións.
Vigo, 5 de maio de 1995.
Carlos A. González Príncipe
Alcalde