Aprobado inicialmente polo Concello Pleno, con data do 14 de febreiro de 1995, o estudio de detalle na U.A. 14 Pedreira (3166/411), redactado polo arquitecto Jaime Riera Nieves, visado polo COAG con datas do 8 de xullo, 24 de novembro, 15 de decembro de 1994 e 16 de xaneiro de 1995, sométese a información pública, polo prazo de quince días hábiles, con anuncios no Diario Oficial de Galicia, BOP, Faro de Vigo e taboleiro de anuncios da Casa do Concello, con notificación persoal ós propietarios e restantes interesados directamente afectados.
O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.
O devandito acordo sinala como área afectada pola suspensión de licencias de parcelación, edificación e demolición a abranguida polo seu ámbito cos límites seguintes:
-Norte: Avda. Cesáreo Vázquez.
-Sur: camiño de Bouzo e barrio da Estomada.
-Leste: PAU igrexa e barrio da Estomada.
-Oeste: barrio Currás.
O que se fai público para xeral coñecemento, significando que a documentación se atopa na oficina municipal de información para exame e alegacións.
Vigo, 2 de maio de 1995.
Carlos A. González Príncipe
Alcalde