Na sesión celebrada o 25 de xaneiro de 1994, o Xurado Provincial de Clasificación de Montes Veciñais en Man Común de Ourense, acordou inicia-lo expediente de clasificación como veciñal en man común do monte integrado polas parcelas denominadas Acibeiro, Aspirón, Barnotes, Costiña, Pías e Ribazas como pertencente ós veciños de Casal de Bispo, Domés, Sa, Nogueira e Outeiro, na parroquia de Domés (Verea-Ourense).
Como queira que durante a tramitación do expediente se puxo de manifesto que a parcela denominada Acibeiro está enclavada no termo municipal de Celanova e que as parcelas denominadas Aspirón e Costiña se atopan nos termos municipais de Celanova e Verea, e dado que nun principio se acordara a tramitación do expediente referido unicamente a terreos situados no concello de Verea, o Xurado Provincial de Montes Veciñais en Man Común de Ourense acordou, en sesión e celebrada en data 26 de outubro de 1994, retrotrae-la instrucción do expediente ata a fase prevista no artigo 21 do regulamento para a execución da Lei 13/1989, de montes veciñais en man común, no que se refire a estas parcelas.
Ourense, 26 de outubro de 1994.
José Manuel Baltar Blanco
Instructor