Visto o expediente de recoñecemento de interese galego e a inscrición no Rexistro de Fundacións de Interese Galego da fundación Casa Museo a Solaina de Piloño.
Supostos de feito:
1. O 10 de abril de 1995 solicitouse o recoñecemento de interese galego e a inscrición no Rexistro de Fundacións de Interse Galego da fundación Casa Museo A Solaina de Piloño por medio de escrito presentado por Francisco Lareo Morao.
2. A fundación constituíse en escritura pública, outorgada en Lalín o día 6 de abril de 1995 perante o notario do Colexio da Coruña Victorino Gutiérrez Aller, co número cincocentos trece do seu protocolo, por Francisco Lareo Morao, Armindo Salgueiro Pájaro, Carmen Lareo Morao, Damián-Salvador Payo Cangado, Javier-Carlos Vázquez Parcero, Manuel Núñez Fiúza, José Vispo Montero, en nome propio, e por Manuel Montero Varela como presidente da asociación de veciños Santa María de Piloño.
3. A comisión integrada polos secretarios xerais de tódalas consellerías elevoulle ó conselleiro da Presidencia e Administración Pública proposta de clasificación como cultural da fundación Casa Museo A Solaina de Piloño, dado o seu obxecto e finalidade, polo que, cumpríndose os requisitos esixidos na Lei 7/1983, do 22 de xuño, e na Lei 11/1991, do 8 de novembro, de reforma da lei anterior, de réxime das fundacións de interese galego, e segundo establece o artigo 32.1º e 2º do Decreto 248/1992, do, 18 de xuño, polo que se aproba o Regulamento de organización e funcionamento do protectorado das fundacións de interese galego, correspóndelle a execución das facultades inherentes a aquel á Consellería de Cultura.
4. Á vista da proposta da comisión de secretarios xerais, pola orde da Consellería da Presidencia e Administración Pública do 18 de abril de 1995 (DOG do 9 de maio) clasificouse como cultural a fundación Casa Museo A Solaina de Piloño, tendo en conta
o disposto no artigo 32.3º a) do Regulamento de organización e funcionamento do protectorado das fundacións de interese galego.
5. Segundo consta no artigo 4 dos seus estatutos, o obxecto da fundación é promover e divulga-la cultura galega nos seus máis diversos aspectos en tódalas facetas da cultura universal que incidan no patrimonio cultural de Galicia.
6. Na escritura pública pola que se constitúe a fundación, nos estatutos e na restante documentación que figura no expediente constan, entre outros, os seguintes puntos: acreditación a personalidade dos fundadores, dotación inicial da fundación, estatutos nos que consta a denominación da fundación como Casa Museo A Solaina de Piloño, capacidade xurídica, domicilio e obxecto.
O padroado da fundación está integrado polos seguintes membros:
Presidente: Francisco Lareo Morao.
Vicepresidente: Armindo Salgueiro Pájaro.
Secretaria: Carmen Lareo Morao.
Vocais: Damián-Salvador Payo Cangado, Javier-Carlos Vázquez Parcero, Manuel Núñez Fiúza, José Vispo Montero, Manuel Montero Varela.
Fundamentos de dereito:
1. O artigo 34 da Constitución española recoñece o dereito de fundación para fins de interese xeral, de acordo coa lei, e o artigo 27.26º do Estatuto de autonomía para Galicia atribúelle a esta comunidade competencia exclusiva sobre o réxime das fundacións de interese galego.
2. Conforme o artigo 32.3º a) do Regulamento de organización e funcionamento do protectorado das fundacións de interese galego, así como o artigo 1 do Decreto 12/1990, é competencia desta consellería a declaración de interese galego e a inscrición no Rexistro de Fundacións de Interese Galego da fundación Casa Museo A Solaina de Piloño, dado o seu obxecto, coincidente coas competencias desenvolvidas pola Consellería de Cultura, asumindo as funcións que en canto a protectorado lle corresponden á Xunta de Galicia.
3. Ó amparo do diposto no artigo 7.5º da Lei 7/1983, do 22 de xuño, á realización da findalidade fundacional débense destinar, cando menos, o oitenta por cento das rendas que obteña a fundación e dos outros ingresos que non formen parte da dotación da fundación.
4. A Lei 11/1991 do 8 de novembro, dá lle nova redacción ó artigo 21.2º da Lei 7/1983, establecendo a obriga de, por unha banda, formular e presenta-lo orzamento de ingresos e gastos ó protectorado con anterioridade ó inicio do exercicio económico e, por outra, a de efectuar un inventario-balance, pechado na data da finalización do exercicio, unha memoria das actividades realizadas ó longo do ano e de xestión económica do patrimonio, así como a liquidación do orzamento de ingresos e gastos do ano anterior,
que deberán presentarse ó protectorado no prazo de seis meses desde a data do peche do exercicio.
Este conxunto de obrigas débense entender asumidas pola fundación, aínda que non se recollan expresamente nos seus estatutos.
5. Á vista do exposto pódense entender substancialmente cumpridos os requisitos legais e regulamentarios para a declaración de interse galego e a súa inscrición no Rexistro de Fundacións da sección de fundacións da Consellería de Cultura segundo se desprende dos artigos 5, 6, 7, 8, 11. 1º e 18 da Lei 7/1983, en relación cos artigos 2. 3, 4, 5 e 33 do Decreto 248/1992.
Por todo isto,
DISPOÑO:
Primeiro.-Recoñecer e declarar de interese galego a fundación Casa Museo A Solaina de Piloño.
Segundo.-Ordena-la súa inscrición no Rexistro de Fundacións de Interese Galego, sección de fundacións da Consellería de Cultura.
Terceiro.-Aproba-los seus estatutos e a formación do seu órgano de goberno.
Cuarto.-A devandita fundación queda sometida ó disposto no resto da normativa de xeral aplicación, en especial á obrigación de lles da-la publicidade suficiente ás súas actividades e á ausencia de ánimo de lucro na prestación dos seus servicios, quedando obrigada a rende-las contas anualmente ó protectorado e a xustificar, a través dunha memoria anual, o cumprimento das cargas fundacionais, así como a presenta-lo proxecto de orzamento antes do último mes do exercicio económico anterior a aquel para o que se formula, debendo solicita-las preceptivas autorizacións do protectorado cando sexan necesarias.
Santiago de Compostela, 18 de maio de 1995.
Víctor Manuel Vázquez Portomeñe
Conselleiro de Cultura