Visto o expediente incoado pola empresa Electra del Narahío, S.A., con enderezo en Vista Alegre-Doso-Narón, 15577 A Coruña, para a autorización administrativa e aprobación do proxecto de execución da instalación que segue:
Centro de distribución de enerxía eléctrica de Bouzarredonda (Neda), coas seguintes instalacións:
-Cela xeral da liña de Fervenza.
-Cela da liña da central hidroeléctrica.
-Cela da liña Cerdido-Moeche (Mina).
-Cela da liña de San Sadurniño.
-Cela da liña de Sedes.
Cada unha das celas equipadas con: un seccionador tripolar de 630 A e 24 kV, un interruptor trifásico automático de exafluoruro de 36 kV e 1.250 A.
-Cela do transformador de 250 kVA e tensións de 15/0,380-0,220 V.
-Cela de condensadores de 8.660 V e 200 Kvar.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismo ou corporacións que constan nos expedientes.
A Coruña, 29 de marzo de 1995.
Juan I. Lizaur Otero
Delegado provincial da Coruña