A mellora da calidade do ensino na Comunidade Autónoma, obxectivo prioritario da Consellería de Educación e Ordenación Universitaria, fai precisa a creación de novos centros que permitan ofrecer postos escolares axeitados ás necesidades actuais.
Na súa virtude, de acordo co disposto no artigo 31 do Estatuto de autonomía de Galicia, e por proposta do conselleiro de Educación e Ordenación Universitaria, en uso das competencias atribuídas pola Lei 1/1983, do 22 de febreiro, modificada pola Lei 11/1988, do 20 de outubro, e logo de deliberación do Consello da Xunta de Galicia na súa reunión do día tres de xuño de mil novecentos noventa e cinco,
DISPOÑO:
Artigo único.-Créase o seguinte centro público de educación primaria e educación infantil:
Provincia da Coruña: concello Melide.
Localidade: Melide.
Colexio público de Melide nº 3.
Disposicións derradeiras
Primeira.-O presente decreto non leva consigo incremento de gasto público.
Segunda.-Autorízase a Consellería de Educación e Ordenación Universitaria para que por orde sinale a data de comezo das actividades do centro público creado no artigo anterior e para adopta-las medidas axeitadas para a execución do presente decreto.
Terceira.-O presente decreto entrará en vigor o día seguinte ó da súa publicación no Diario Oficial de Galicia.
Santiago de Compostela, tres de xuño de mil novecentos noventa e cinco.
Manuel Fraga Iribarne
Presidente
Juan Piñeiro Permuy
Conselleiro de Educación e Ordenación Universitaria.