A Consellería de Cultura convoca o seguinte concurso público:
Obxecto: adquisición de equipos e programas para rede de datos do Centro Superior de Documentación Investigación Cultura de Galicia.
Orzamento: 70.000.000 de ptas.
Prazo de execución: un (1) mes.
Fianza provisional: 1.400.000 ptas.
Clasificación dos contratistas: non se esixe.
Documentación de interese para os licitadores: o prego de prescricións técnicas e o de cláusulas administrativas particulares poderanse examinar na secretaría xeral, Servicio de Obras e Contratación -da Consellería de Cultura (edificios San Caetano) ou en calquera das súas delegacións provinciais durante o prazo de presentación de proposicións, de 10 a 14 horas.
Presentación de proposicións: efectuarase no rexistro xeral da Consellería de Cultura (edificios San Caetano), en sobre pechado, e por calquera dos procedementos previstos no artigo 100 do Regulamento xeral de contratación do Estado, ata as 14 horas do día 27 de xuño de 1995. As proposicións axustaranse ó modelo establecido, que se une ó prego de cláusulas administrativas particulares, como anexo.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciar ó órgano de contratación a remisión da oferta mediante fax (981) 54 48 02 ou telegrama no mesmo día.
Anuncios: o pagamento do anuncio do presente concurso público será por conta dos adxudicatarios dos contratos.
Apertura de proposicións: serán abertas pola Mesa de Contratación ás 11 horas do día 4 de xullo de 1995 na sede do órgano contratante.
Documentación que deberán presenta-los licitadores: a esixida no prego de cláusulas administrativas particulares.
Os licitadores poderanse presentar a un número calquera dos lotes anunciados. No caso de se presentar a máis de un, a documentación de carácter xeral poderase presentar no sobre dun deles indicándoo nos sobres «A» e «B» das demais obras.
O presente anuncio enviouse á Oficina de Publicacións Oficiais das Comunidades Europeas, para a súa publicación no Diario Oficial das Comunidades Europeas o 23 de maio de 1995.
Santiago de Compostela, 23 de maio de 1995.
Rubén V. Lois Calviño
Secretario xeral da Consellería de Cultura
CONSELLERÍA DE XUSTIZA, INTERIOR E RELACIÓNS
LABORAIS
