Examinado o expediente incoado pola titularidade do centro privado San Jorge, de Santiago de Compostela, no que se solicita a ampliación de unha unidade de educación especialno dito centro.
Resultando que o expediente foi tramitado pola Delegación Provincial de Educación e Ordenación Universitaria da Coruña, que o envía cos informes emitidos pola Inspección de Educación, pola Unidade Técnica de Construccións e pola Oficina de Supervisión de Proxectos.
Resultando que a unidade de educación especial que se solicita ten como finalidade preparar, mediante o tratamento educativo necesario, ós deficientes inadaptados para a súa plena incorporación á vida escolar e social e que pola pouca profundidade das súas anomalías e deficiencias non se fai necesaria a súa asistencia a centros específicos pero si a unidade de educación especial en centros docentes de réxime ordinario.
Vistos o Real decreto 334/1985, do 6 de marzo, de ordenación da educación especial (BOE do l6), a orde ministerial do 3 de xaneiro de 1986 (BOE do 4 de febreiro), o Real decreto 1004/1991, do 14 de xuño, polo que se establecen os requisitos mínimos dos centros que imparten ensinanzas de réxime xeral non universitario (BOE do 26) e demais disposicións complementarias.
Considerando que o denvandito centro privado ten autorización definitiva para impartir educación especial.
Considerando que o centro reúne os requisitos necesarios de acordo coas disposicións vixentes na materia,
Esta dirección xeral,
RESOLVEU:
Autorizarlle a ampliación de unha unidade de educación especial ó centro privado que se relaciona no anexo da presente resolución.
Santiago de Compostela, 29 de marzo de 1995.
Gerardo Muñoz Sánchez-Brunete
Director xeral de Ordenación Educativa e Centros
ANEXO
PROVINCIA DA CORUÑA
Concello: Santiago de Compostela.
Localidade: Santiago de Compostela.
Enderezo: Avenida de Coímbra, 7.
Denominación: San Jorge
Titular: María Elvira Abalo Méndez.
Nivel: educación especial.
Unidades de que constaba: 1 de psíquicos.
Unidades novas autorizadas: 1 de psíquicos.
Total de unidades autorizadas: 2 de psíquicos.
