A Escola Galega de Administración Pública anuncia a celebración dunha xornada de estudio sobre técnica normativa que se celebrará conforme as seguintes bases:
1. Obxectivos.
O obxecto da xornada é reflexionar e debate-las cuestións relacionadas coas técnicas que deben seguirse na elaboración das normas.
2. Destinatarios.
Letrados, asesores xurídicos, funcionarios do grupo A responsables da redacción de normas, profesores e universitarios de dereito público, traductores e correctores lingüísticos e todas aquelas persoas que velen pola calidade das normas das administracións públicas e dos parlamentos.
3. Desenvolvemento.
3.1. Duración: 6 horas.
3.2. Data: 19, 20 de xuño de 1995.
3.3. Horarios: día 19: de 16.30 horas a 19; día 20: de 10 a 19.
3.4. Lugar: Santiago de Compostela.
3.5. Prazas: limitadas á capacidade do local.
4. Inscrición.
-Lugar de presentación de solicitudes: no rexistro xeral da EGAP. Polígono das Fontiñas, rúa de Madrid, 2-4, 15703, Santiago de Compostela.
-Forma de envío por correo ó enderezo anterior ou por fax ó número (981) 57 15 40.
-Modelo de instancia: segundo modelo oficial que figura ó final desta convocatoria.
-Prazo: remata o 14 de xuño.
5. Información complementaria.
Servicio de Estudios, Investigación e Publicacións. EGAP. Tel. (981) 57 08 00, Ext. 247. Fax (981) 54 15 40.
Santiago de Compostela, 24 de maio de 1995.
Jaime Rodríguez-Arana Muñoz
Director da Escola Galega de Administración Pública