Dentro das actividades da Escola Galega de Administración Pública para 1995, figura a realización do II seminario galaico-bonaerense sobre Estado
autonómico e federalismo, en colaboración co Instituto Provincial de Administración Pública de Bos Aires.
Obxecto.
Os días 28 e 29 de xuno de 1995 terá lugar, na Escola Galega de Administración Pública, o II seminario galaico-bonaerense sobre Estado autonómico e federalismo.
O obxectivo deste seminario é o tratamento, entre outros, da articulación entre os ordenamentos estatal, comunitario, provincial e municipal españois; as relacións entre as diversas administracións públicas en España; as comunidades autónomas e as competencias de execución en España; os ordenamentos xurídicos nun Estado composto; o réxime municipal arxentino e a reforma constitucional; aspectos sociolóxicos do municipio bonaerense.
Destinatarios.
-Persoal funcionario dos grupos A e B de calquera das administracións públicas galegas, e interesados en xeral.
Desenvolvemento e duración.
O seminario abrirase o xoves, día 28 de xuño, ás 10 horas, e rematará na tarde do venres, día 29 de xuño.
Inscrición.
-Prazo: remata o luns, día 26 de xuño de 1995.
-Lugar de presentación: no rexistro xeral da EGAP (polígono das Fontiñas, rúa de Madrid, 2-4, 15703, Santiago de Compostela). Teléfono 57 08 00, telefax número 57 15 40.
-Forma: as solicitudes de inscrición faranse por escrito, no modelo oficial que figura ó final destas bases. Serán rexeitadas todas aquelas peticións que non reúnan o dito requisito.
As peticións de admisión poderánse enviar por correo ordinario ou por telefax ó número consignado.
-Inscrición fóra de prazo: só se admitirán de quedaren prazas baldeiras, coa condición de que se cumpran os requisitos xerais antes indicados.
A partir do 27 de xuño, os peticionarios poderán obter confirmación da súa posible admisión, chamando por teléfono en días laborables, de 11.30 a 14.45 horas, ó seguinte número: (981) 57 08 00 (Ext. 229), ou ben consultando a lista de admitidos que se expoñerá no taboleiro de anuncios da EGAP 24 horas despois do remate do prazo de presentación de solicitudes.
Certificación de asistencia.
Entragaráselles ó remate deste seminario a aquelas asistentes que concorresen asiduamente a el, e expresarase neste documento a natureza da actividade e as datas da súa realización.
Santiago de Compostela, 16 de maio de 1995.
Jaime Rodríguez-Arana Muñoz
Director da Escola Galega de Administración Pública