Aprobado inicialmente polo Concello Pleno, con data do 3 de maio de l995, o proxecto de urbanización na rúa San Gregorio (3573/401), presentado por Promociones Luis Estévez Comesaña, S.L. e redactado polo arquitecto Roberto Laguna Fondovila, deberá fixarse o prazo máximo de execución do proxecto de urbanización da rúa nas súas dúas fases que, en todo caso, non poderá exceder de dous anos desde a súa aprobación definitiva; sométese a información pública polo prazo de quince días hábiles con anun

cios no Diario Oficial de Galicia, BOP, Faro de Vigo e taboleiro de anuncios da Casa do Concello.

O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.

De non presentarse ningunha alegación na exposición pública, o proxecto, automaticamente, considerarase aprobado definitivamente. Coa aprobación definitiva do proxecto de urbanización iniciarase o expediente expropiatorio para executa-lo vial.

O que se fai público para xeral coñecemento, significando que a documentación se atopa na oficina municipal de información para exame e alegacións.

Vigo, 16 de maio de 1995.

Carlos A. González Príncipe

Alcalde